न्यूयोर्कको ब्रंक्स स्याहार केन्द्र (डे केयर)मा १ बर्षिय बालकको मृत्यु पछि २ जनालाई हत्याको अभियोग लगाईएको छ ।

गत शुक्रबार ब्रंक्स न्युयोर्कको स्याहार केन्द्र (डे केयर)मा एक १ वर्षीय बालकको मृत्यु र तीन अन्य साना बच्चाहरूलाई शंकास्पद ओपिओइड एक्सपोजर (अफिम प्रभाव)पछि अस्पतालमा भर्ना गरेपछि दुई व्यक्तिलाई धेरै आरोपहरू लगाइएको छ।

उक्त घटनामा निकोलस डोमिनिसीको मृत्यु र तीन अन्य साना बालबालिकाको अस्पतालमा भर्ना भएपछि औषधि उत्पादन उपकरण पनि स्याहार केन्द्र (डे केयर )भित्र फेला परेको न्यूयोर्क शहर प्रहरी विभागले जनाएको छ ।

४१ वर्षीय कार्लिस्टो एसेभेडो ब्रिटो र ३६ वर्षीय ग्रेई मेन्डेजमाथि अहिले हत्या र आक्रमण लगायत ११ वटा अभियोग लगाइएको छ ।

निकोलसको मृत्यु पछि २७०७ मोरिस एभिन्यू (मार्ग)भित्र खोजी गर्दा प्रहरीले एक किलो प्रेस( लागू पदार्थ पुरिया बनाउने उपकरण)समेत फेला पारेको प्रहरीले बताए ।

कुन प्रकारको औषधि सम्भावित रूपमा उत्पादन भइरहेको थियो वा बच्चाहरू तिनीहरूसँग कसरी सम्पर्कमा आए भन्ने कुरा थाहा छैन। न्युयोर्क शहरका नगर प्रमुख एरिक एडम्सले चार बच्चाहरू “ओपिओइडको सम्पर्कमा आएको जस्तो देखिन्छ” भने ।

“ती बच्चाहरूलाई के भयो हामीलाई थाहा छैन,” प्रहरी आयुक्त एडवर्ड क्याबानले भने।

न्यूयोर्क शहरका स्वास्थ्य आयुक्त अश्विन वासनका अनुसार पीडितहरू कुनै न कुनै रूपमा “एक शक्तिशाली पदार्थको सम्पर्कमा आएका थिए, जसले सास फेर्न, छालामा परे पछि प्राप्तकर्तालाई मताउने बनाउन सक्छ। हामीलाई थाहा छैन यस मामलामा के भयो। ।”

चिकित्सा परीक्षकले मृत्युको कारण पत्ता लगाउन शव परीक्षण गर्नेछन । चिकित्सकहरूले बाँचेका बच्चाहरूको पिसाब र रगत लिनेछन् । र ,उनीहरूलाई कुन औषधिको सम्पर्कमा आएको थियो भनेर पत्ता लगाउन प्रयास गर्नेछन भनि एबिसीन्यूजले समाचारमा उल्लेख गरेको छ ।

उक्त हेरचाह गृह (डे केयर) ६ हप्ता देखि १२ वर्ष बीचका बच्चाहरुको लागि गत जनवरीमा अनुमती दिए पछि खोलिएको हो । एबिसीन्यूजका अनुसार निरीक्षकहरुबाट गत हप्ता कुनै उल्लङ्घन नभेटिए पछि संचालन गर्न अनुमति अगाडी बढाईएको थियो ।

अन्वेषकहरूका अनुसार गत शुक्रबार करिब १२:१५ बजे घर गएको २ वर्षीय बालकको आमाले छोरा “सुस्त र अनुत्तरदायी ” भएको भेट्टाइन् । आमाले उनलाई तुरुन्तै अस्पताल पुर्‍याए पछि उनि बचेको अधिकारीहरूले बताए ।

प्रहरीका अनुसार हेरचाह गृह (डे केयर)मा बसेका बालबालिकाले दिउँसो १ बजेतिर केही खाए । र ,एकले निद्रा लिए। दिउँसो २ः३० बजे कामदार उठाउन जाँदा तीन जना बेहोस भएको प्रहरीले जनाएको छ ।

तीनवटै बालबालिका बेहोस /अनुत्तरदायी भएका थिए । उनीहरूको जीवन बचाउने प्रयासमा तीनै बालबालिकालाई नार्कन अर्थात् निन्द्रा जगाउने प्रकारको ओखती दिइएको थियो । दुई बालबालिका बाँचे भने दुर्भाग्यवश एक २ वर्षको बालकको मोन्टेफिओर अस्पतालमा दिउँसो ३:२९ मा मृत्यु भयो ।

अस्पतालमा भर्ना गरिएका सबै बालबालिकाहरू ब्रंक्स नजिकै बस्छन्।