एजेन्सी, एसीया कप क्रिकेटमा श्रीलंकाले अफगानिस्तानलाई दुई रनले हराएको छ ।
प्रतियोगिताको मंगलबारको खेलमा जितसँगै समूह ‘बी’बाट श्रीलंका प्रतियोगिताको ‘सुपर फोर’ चरणमा पुगेको छ ।
टस जितेर पहिलो ब्याटिङ रोजेको श्रीलंकाले निर्धारित ५० ओभरमा आठ विकेट गुमाएर दुई सय ९१ रन बनाएको थियो ।
अफगानिस्तानले भने ३७.४ ओभरमा अलआउट हुनु अघि दुई सय ८९ रन मात्रै बनायो ।
यसअघि बंगलादेश पनि सोही समूहबाट ‘सुपर फोर’ चरणमा पुग्न सफल भएको थियो । समूह ‘ए’ बाट आयोजक पाकिस्तान र भारत प्रतियोगिताको ‘सुपर फोर’ चरणमा पुगेका थिए ।
पहिलोपटक एसिया कपमा सहभागिता जनाएको नेपाल भने समूहगत चरणबाटै बाहिरिएको थियो ।
प्रतिक्रिया