परशुराम भण्डारी ,एनआरएन अभियन्ता
अगष्ट १३ तारिक १० बजेबाट शुरू भएको एनआरएन एनसीसी अमेरिकाको पूर्ण बैठकले यस संस्थामा अध्यक्षले मनोनयन गर्ने प्रवक्ता जस्तो महत्वपूर्ण पद डा राजन पन्तले प्राप्त गर्नुभएको छ ।
सोही बैठकमा अन्य सल्लाहकारहरु पनि मनोनयन गर्नका लागि अध्यक्ष डा अर्जुन बन्जाडेले प्रस्ताव गर्नुभएकोमा उहाँले राख्नुभएको प्रस्ताव पक्षमा अत्यन्त न्यून सदस्यहरूको समर्थन रहेको बुझिएको छ ।
मतलब हिजोको ५ घण्टा लामो बैठकमा अध्यक्ष डा बन्जाडे अल्पमतमा पर्नुभएको जानकारी बाहिर आएको छ । एनआरएन एनसीसी अमेरिकाको जम्मा २७ जना सदस्यहरू मनोनयन गर्नुपर्ने पदहरुमा मनोनयनको लागि प्रस्ताव गरिएका नामहरुमा अधिकांश नामहरु नयाँ देखिन्छन् । त्यसको साथसाथै ती प्रस्तावित नामहरु के कारणले उहाँहरू एनआरएन अमेरिकाको सल्लाहकार जस्तो महत्वपूर्ण पदमा नियुक्ति हुनका लागि उपयुक्त हुन्छ भन्ने कुरा खुलाइएको छैन ।
कम्तीमा पनि एनआरएनको सल्लाहकार जस्तो गरिमामय पदमा मनोनयन हुने व्यक्ति सबैको साझा व्यक्ति बन्नुपर्छ भन्ने आम एनआरएन सदस्यहरूको बुझाई रहेको छ । यसकोलागि मनोनयन गर्न लागेको व्यक्ति सामाजिक हिसाबले शुद्ध आचरणको हुनुपर्छ । एनआरएनको अभियानमा उहाँको भूमिका कहिलेदेखि कुन रूपमा रहेको छ उल्लेख गरिएको हुनुपर्छ ।
मनोनयन गरिएको व्यक्ति एनआरएनको अमेरिकाको अभियानमा कहिलेदेखि सहभागी भएको सोको बारेमा कुनै कसैले प्रश्न राखेमा त्यसको उत्तर कार्यसमितिका पदाधिकारी वा प्रवक्ताले प्रष्टरुपमा पब्लिकमाको लागि जानकारी गराउन सक्ने हुनुपर्छ । एनआरएनमा २०२१ साल पहिले दुई किसिमका सदस्यहरु थिए। एउटा आजीवन सदस्य अर्को साधारण सदस्य ।
आजीवन सदस्य संस्थाको स्थायी सम्पत्ति मानिन्थ्यो भने साधारण सदस्य आवधिक समयको लागि मतदान गर्न र उम्मेदवार दिनकालागि लिने गरिथ्यो । तर त्यस्ता ब्यक्तिहरु जसलाई मनोनयन गरिँदैछ । ती व्यक्तिहरु एनआरएनका आजीवन सदस्य थिए वा साधारण सदस्य मनोनयन गर्न लागेका सदस्यहरु एनआरएनएको पर्वहरू साधारणसभा विशेष सभा र अन्तर्राष्ट्रिय सम्मेलनमा उनीहरूको सहभागिता कस्तो थियो ? एनआरएनको नेतृत्वलाई सुझाव र सल्लाह दिनका लागि बन्ने यो सल्लाहकार समूहमा पक्कै पनि एनआरएन बुझेको ब्यक्ति हुनुपर्छ भन्ने कुरामा दुईमत छैन । एनआरएनमा कुनैपनि पदमा मनोनयन गर्न लागेको व्यक्ति नेपालको राजनैतिक दलको प्रभावबाट पृथक छ वा तीनै दल सँग सम्बन्धित छ त्यसको बारेमा बिबेक पुगेन भने एनआरएनप्रतिको नेपालीहरूको विश्वास कम हुँदै जाने गर्छ।
किनकि प्रवासमा बस्ने अधिकांश नेपालीहरुका लागि नेपालको राजनीतिबाट आफूलाई टाढा राख्न चाहने नेपालीहरु नै धेरै भएको देखिन्छन । त्यसकारण पनि एनआरएन जस्तो विश्वयुद्ध संस्थामा कुनैपनि जात धर्म लिंग वर्ण राजनीति भन्दा फरक विचारबाट प्रभावित व्यक्तिहरू नै मनोनयनका लागि उपयुक्त ठानिन्छ । एनआरएनको सल्लाहकार जस्तो पदमा मनोनयन गरिने व्यक्ति का कारण ती व्यक्ति बसेको राज्यमा उहाँका कारणले एनआरएन अभियानमा कस्तो प्रभाव परेको छ सदस्यता नविकरण अभियानमा उहाँको कस्तो भूमिका रहेको छ । स्थानीय स्तरमा रहेका सामाजिक संस्थाहरुमा त्यस्ता व्यक्तिहरूको सहभागिता कस्तो रहेको छ ?
यी सबै कुराहरुलाई मध्यनजर गरेर नै एनआरएनमा सल्लाहकार जस्ता महत्वपूर्ण पदहरुमा मनोनयन गरिनु पर्छ। विगत दुई वर्ष एनआरएनको लागि अत्यन्त संक्रमणकालीन अवस्था थियो । यस्तो अवस्थामा पनि एनआरएन हामी सबैको साझा संस्था हो । यो संस्थाको विकल्प हुने सक्दैन भनेर समाजमा अनेक किसिमका विकृति र विसंगति आइरहँदा पनि सामाजिक संजालहरुमा एनआरएनका विरुद्धमा विकृत र विसंगतिहरु लेखिरहँदा पनि त्यसलाई डटेर सामना गर्नसक्ने व्यक्ति नै एनआरएनको सल्लाहकार जस्तो महत्वपूर्ण पदको लागि उपयुक्त हुन्छन् ।
एनआरएनमा कुनै पनि पदमा बसिसकेका दोहोर्याएर बसेका तेहर्याएरर बसेका एनआरएनका मित्रहरु भन्दा एनआरएनमा नयाॉ जोश जागरण बोकेका नयां सदस्यहरुलाई यस्ता पदमा मनोनयन गरिनुपर्दछ । एनआरएन भनेको स्थानीयस्तरमा रहेका विभिन्न संघसंस्थाहरुलाई जोड्ने एउटा धागोको रुपमा रहेको संस्था हो । एनआरएनले जहिलेपनि धागोको रुपमा काम गर्नुपर्दछ कैचीको रुपमा होइन । त्यसकारणले पनि यस्ता पदहरुमा मनोनयन गर्दा जो व्यक्तिको लागि मनोनयन गरिँदैछ ती व्यक्तिले मैले समाजको लागि राम्रो काम गरेको थिएँ त्यसैको सम्मानस्वरुप आज म यो पदको लागि उपयोगी भएर मलाई मनोनयन गरिदैछ भनेर बुझ्नुपर्दछ ।
यस्ता पदहरु मागेर पाइने पद हुँदै होइनन् नवनिर्वाचित कार्यसमिति का सदस्यहरुले सम्मान गर्नका लागि कामको मूल्यांकन गर्नका लागि मनोनयन गरिने सल्लाहकार पदहरु सस्तो लोकप्रिय बन्नुहुँदैन । एनआरएनको अभियानमा सधै सकारात्मक लेख्ने सधैं सकारात्मक बोल्ने सकेसम्म सबै किसिमका साधारणसभामा सहभागी बन्ने व्यक्तिहरू नै यसका लागि उपयुक्त पात्र हुन् ।
एनआरएनको सल्लाहकार जस्तो पदमा मनोनयन गरिरहँदा ती व्यक्तिहरूको बारेमा ती व्यक्ति बसेको राज्य मा रहेका सामाजिक संघसंस्थामा उहाँहरूको भूमिका कस्तो रहेको थियो । यसलाई पनि हेर्नु पर्दछ त्यसो भए मात्र एनआरएन सबैको साझा संस्था बनाउन सकिन्छ एनआरएनका सल्लाहकार पदहरु मनोनयन गरिरहँदा एउटा साधारण सदस्यहरूले राखेका प्रश्नलाई उहाँले बुझ्नेगरी भरपर्दो र विश्वासनीय र तार्किक उत्तरहरू हुनुपर्दछ त्यसकारण पनि यस्ता पदहरु नियुक्ति गर्नका लागि निकै ठूलो तयारी हुनु जरुरी छ । यदि बिना तयारी यस्ता पदहरुमा व्यक्तिहरू नियुक्ति गर्दै जाने हो भने एन आर एन कमजोर हुँदै जान्छ । अब मनोनयन गरिने पदहरु मनोनित गर्दा हरेक व्यक्ति बायोडाटा मतलब उसले समाजको लागि अहिलेसम्म कुन कुन ठाउँमा के कस्तो किसिमको सहभागिता जनाएर काम गरेको थियो ती कुराहरु उल्लेख गरिनुपर्छ ।
त्यसलाई स्कोरको आधारमा मनोनयन गरियो भने त्यो नै निष्पक्ष हुन सक्छ । त्यसैले पनि आदरणीय एनआरएनका मित्रहरु च्याप्टरका अध्यक्ष हरु तपाईहरुले अत्यन्त विबेक पुर्याएर यस्ता पदहरुमा मनोनयन गर्नु होला । ताकि त्यही पदकोलागि आकांक्षी अर्को व्यक्तिले मभन्दा उहाँ यति यति कारणले उपयुक्त हुनु भएछ, त्यसैले यो निर्णयमा मेरो पूर्ण साथ र समर्थन हुनेछ भनेर भन्ने स्थिति आउनु पर्छ अनिमात्र संस्था विश्वसनीय बन्दछ । आशा छ एन आर एन अध्यक्ष डा बन्जाडेले अत्यन्त बिबेक पुर्याएर निर्णय गर्नु हुनेछ, अनि सबै एन आर एन लाई परिबर्तनको आभाष दिनु हुनेछ ।
धन्यवाद
प्रतिक्रिया