एजेन्सी, भारतविरुद्धको एकदिवसीय सिरिजको दोस्रो खेलमा घरेलु टोली वेस्ट इण्डिज ६ विकेटले विजयी भएको छ ।
योसँगै तीन खेलको सिरिज १–१ को बराबरी पुगेको छ । पहिलो वेस्ट इण्डिज ५ विकेटले पराजित भएको थियो ।
दोस्रो खेलमा भारतले दिएको १ सय ८२ रनको लक्ष्य वेस्ट इन्डिजले ३६.४ ओभरमा ४ विकेट गुमाएर पूरा गर्यो ।
उसका लागि कप्तान शाई होपले ८० बलमा २ चौका र २ छक्काको सहयोगमा अविजित ६३ रन रनको पारी खेले । यस्तै, केसी कार्टी ४८ रनमा अविजित रहे ।
ओपनरद्वय कायल मेयर्सले ३६ र ब्रेन्डन किंगले १५ रन जोडे । शिमरन हेटमायर ९ र एलिक आथानाज ६ रनमा आउट भए । भारतका लागि शार्दुल ठाकुरले ३ र कुलदीप यादवले १ विकेट लिए ।
त्यसअघि बार्बाडोसस्थित केन्सिङ्टन ओवल मैदानमा टस हारेर ब्याटिङको निम्तो पाएको भारतले ४०.५ ओभरमा सबै विकेट गुमाएर १ सय ८१ रन बनायो ।
उसका लागि ईशान किशनले ५५ बलमा ६ चौका र १ छक्कासहित सर्वाधिक ५५ रनको इनिङ खेले ।
यस्तै, शुभमन गिलले ३४, सूर्यकुमार यादवले २४, शार्दुल ठाकुरले १६ र रवीन्द्र जडेजा १० रन बनाए ।
बाँकी ब्याटरले भने दोहोरो अंकमा समेत रन जोड्न सकेनन् । दोस्रो खेलमा भारतले विराट कोहली र रोहित शर्मालाई विश्राम दिएको थियो ।
वेस्ट इन्डिजका लागि रोमारियो शेफर्ड, गुडाकेश मोतीले ३/३, अल्जारी जोसेफले २, जयडेन सिल्स र यानिक कारियाहले १/१ विकेट लिए ।
भारत र वेस्ट इण्डिजले सिरिजको निर्णायक तथा तेस्रो खेल मंगलबार खेल्नेछन् ।
प्रतिक्रिया