अमेरिकाको टेक्सस राज्यको सान एन्टोनियो शहरका ३ प्रहरी अधिकारीहरु विरुद्ध हत्या अभियोग दर्ता भएको छ ।

सान एन्टोनियो प्रहरी विभागका तीन सदस्यहरू विरुद्ध शुक्रबार हत्याको आरोप दायर गरिएको छ । उनीहरूलाई एक महिलालाई गोली हानेर मारेको आरोप लागुदै मुद्धा दायर भएको विभागले जनाएको छ ।

४६ वर्षीया मेलिसा पेरेजलाई प्रहरी अधिकारीहरूले गोली हानेर मारेको प्रहरीले बताएको छ ।

प्रहरी अधिकारीहरूमा अल्फ्रेड फ्लोरेस, एलेजार अलेजान्ड्रो र नथानिएल भिल्लालोबोसलाई गोलाबारीको समीक्षा पछि निलम्बन गरिएको विभागले शुक्रबार ढिलो एक विज्ञप्ति मार्फत जनाएको छ ।

तिनीहरूको “कार्यहरू एसएपिडीको नीति प्रशिक्षणसँग मेल खाँदैनन् र उनीहरूले आफूलाई यस्तो अवस्थामा राखेका थिए जहाँ उनीहरूले घातक बल प्रयोग गरे जुन सबै परिस्थितिहरूमा उचित थिएन जुन हामीले बुझेका छौं,” प्रमुख विलियम म्याकमानुसले एक पत्रकार सम्मेलनमा भने।

विभागद्वारा जारी गरिएको अङ्कियदृश्य (भिडियो)मा प्रमुख मिशेल रामोसलेका अनुसार तोडफोडको खबर आएपछि अधिकारीहरूलाई बिहान १२:२७ बजे शहरको दक्षिणपश्चिमी भागमा रहेको आवासगृह भवन (अपार्टमेन्ट कम्प्लेक्स)मा पठाइएको थियो। एउटी महिलाले भवनको चेतावनी पट्टिका “अलार्म प्यानलमा तार काटेको” जानकारी प्राप्त गरेको रामोसले भने।

घटनास्थलमा पुगेका अधिकारीहरूले पेरेजसँग बाहिर सम्पर्क गरे र उनको पहिचान गरे । पेरेजको मानसिक स्वास्थ्य संकट भएको म्याकमानुसले भने। “अधिकारीहरूले उनलाई आफ्नो गस्ती गाडी तर्फ लैजाने प्रयास गरे, तर उनी आफ्नो आवासगृहमा फर्किन् र उनले ढोका बन्द गरिन्।”

अधिकारीहरुले चेतावनी (अलार्म)को तार काट्नु एक अपराध हो भनेर निर्धारण गरेका थिए, म्याकमानुसले भने।

त्यसपछि महिलालाई गिरफ्तार गर्ने प्रयास गर्दा पेरेजले हथौडा उठाइकी थिइन् । त्यसपछि अधिकारिले आफ्नो बन्दुक ताकेका थिए ।

प्रहरीका अनुसार पेरेज र अधिकारीहरूले खुला झ्यालबाट करिब आधा घण्टासम्म “संवाद” गरे। एक अधिकारी त्यसपछि ढोका तिर चढे ,त्यसपछि पेरेजले हथौडाले ढोकाको झ्यालमा कथित रूपमा तोडफोड गरेकी थिइन् , प्रहरीले भने।

एक अधिकारीले महिला तर्फ धेरै गोली प्रहार गरे । दुई अन्य अधिकारीले पनि महिला गोली हाने। महिलालाई बन्दुकको गोलीको चोट लागेको थियो र पछि आकस्मिक चिकित्सा सेवाले उनलाई मृत घोषित गर्यो । बन्दुकको गोलीबाट महिला बाहेक अरू कोही घाइते भएनन ,उनले भने ।