युएससीका अमेरिकी भकुण्डो(फुटबल)का पूर्व खेलाडीलाई २ महिलालाई बलात्कार गरेको आरोपमा पक्राउ गरिएको छ ।

एक पूर्व यूएससी कलेज फुटबल(महाबिद्यालयका अमेरिकी भकुण्डो ) खेलाडीलाई गत तीन वर्षमा दुई महिलालाई बलात्कार गरेको अभियोग लगाइएको लस एन्जलस काउन्टी जिल्ला महान्यायाधिवक्ताको कार्यालयले जनाएको छ।

संदिग्ध, २२ वर्षीय जोशुआ फ्रेड जेम्स ज्याक्सन जुनियरलाई बुधबार पक्राउ गरिएको छ । दुई अलग घटनाहरूबाट जबरजस्ती यौन प्रवेशको एक अपराध र जबरजस्ती बलात्कारको तीनवटा अपराधको आरोप लगाइएको लस एन्जलस काउन्टी जिल्ला न्यायधिवक्ता जर्ज ग्यासकोनले बुधबार एक छापा विज्ञप्ति मार्फत घोषणा गरेका छन् ।

“यौन आक्रमण एक जघन्य अपराध हो जुन सहन सकिदैन,” जिल्ला न्यायधिवक्ता गास्कोनले भने। “यी साहसी महिलाहरूले अगाडि आउन र उनीहरूको आक्रमणको विवरण दिने कठिन निर्णय गरे, अब न्याय सुनिश्चित गर्ने हाम्रो पालो हो। हामी व्यक्तिलाई उसको कार्यको लागि जिम्मेवार बनाउन हामी सक्दो प्रयास गर्नेछौं।”

ज्याक्सन जुनियरले यस वर्षको मार्चमा उनको युनिभर्सिटी अफ सदर्न क्यालिफोर्नियाको अपार्टमेन्ट( आवासगृह )मा एक सहपाठीलाई बलात्कार गरेको आरोप लागेपछि यो गिरफ्तारी आएको हो। संदिग्धलाई जुन १ र सेप्टेम्बर १, २०२० को बीचमा लस एन्जलसको उनको अपार्टमेन्ट(आवासगृह)मा युसिएलएका विद्यार्थीलाई बलात्कार गरेको आरोप पनि लगाइएको अधिकारीहरूले भने।