युक्रेनको खेरसनमा जुन ७ मा बाढीग्रस्त क्षेत्रहरूबाट मानिसहरूलाई सारिएको छ।

स्थानीय समय अनुसार बिहान ११:३० बजेसम्म युक्रेनी नियन्त्रित खेर्सोन क्षेत्रको बाढी प्रभावित क्षेत्रबाट करिब १ हजार ५४८ व्यक्तिलाई सुरक्षित स्थानमा सारिएको युक्रेनको राज्य आपतकालीन सेवा र राष्ट्रिय प्रहरीले बुधबार पुष्टि गरेको छ।

मंगलबार नोभा काखोभका बाँध र जलविद्युत आयोजना भत्किएपछि हजारौंलाई विस्थापित गरिएको छ र पर्यावरणीय प्रकोपको डर भएको सिएनएनले उल्लेख गरेको छ ।

अधिकारीहरूका अनुसार “डिनिप्रो नदीको पश्चिमी किनारमा २० बस्तीहरू र खेरसोन क्षेत्रमा १,९०० भन्दा बढी घरहरू बाढीमा परेका छन्।”

मानिसलाई बचाउने अभियानमा १ हजार ७ सय कामदार, ३ सय थान उपकरण र ३३ वटा डुंगाहरु संलग्न छन् ।

उद्धारमा प्रयोग गरिएका उपकरणहरू मध्ये एक “बोहुन” सबै भू-भागको लागि सवारी साधनको लागि प्रयोग गरिएको छ जुन पानी र माटोबाट स्वतन्त्र रूपमा आवतजावत गर्न सक्छ भनि सिएनएनले जनाएको छ ।