भारी वर्षापछि आएको बाढीका कारण हेटीमा कम्तीमा १५ जनाको मृत्यु भएको र अन्य आठ जना बेपत्ता भएको अधिकारीहरूले बताएका छन् ।

भारी वर्षाले हेटीमा साताको अन्त्यमा आएको बाढी र धेरै पहिरोमा परी कम्तीमा १५ जनाको मृत्यु भएको छ भने अन्य आठ जना बेपत्ता भएका छन्।

हेटीको नागरिक सुरक्षा सँस्था (एजेन्सी)का अनुसार वर्षाको पानीले देशभरि सयौं घरहरू बगाएर केही सडकहरूलाई नदीहरूमा परिणत गरेपछि लगभग १३,४०० मानिसहरूलाई खाली गर्न बाध्य पारिएको थियो।

७,४०० भन्दा बढी परिवारहरूले क्षतिको विवरण दिएका छन। भोकमरी गहिरिँदै गएको बेला हेटीको मध्य क्षेत्रमा वर्षाले बालीनालीमा ठूलो क्षति पुर्‍याएको छ।

प्रधानमन्त्री एरियल हेनरीले बाढीबाट प्रभावितहरूको आवश्यकतालाई सम्बोधन गर्न स्थानीय र अन्तर्राष्ट्रिय संस्थाहरूसँग मिलेर काम गरिरहेको बताए।