युगान्डाका राष्ट्रपतिले योवेरी मुसेभेनीले सबै भन्दा कठोर समलिङ्गी विरोधी विधेयकमा हस्ताक्षर गरेका छन् । एलजिबिटिक्यु विरोधी कानून संसारमा सबैभन्दा कठोर मध्ये एक हो। युगान्डाले अब समलिङ्गीहरु यौनसम्पर्क गरेको पाइएमा कारागारमा जीवन बिताउने र सम्भवतः मृत्युको सामना गर्ने बिधेयकमा हस्ताक्षर गरेका छन् ।

राष्ट्रपति योवेरी मुसेभेनीले सोमबार एन्टी-होमोसेक्सुअलिटी (समलैंगिकता बिरुद्ध )नामक ऐन २०२३ मा हस्ताक्षर गरे।

युगान्डाको संसदमा मार्चको शुरुमा पेश गरिएको समलैंगिकता बिरुद्ध ऐन २०२३ ले “अति निकृष्ट समलिङ्गीता” लाई मृत्युदण्डको सजायको माग गरेको छ, जसलाई यौन रोग भएका (एचआइभी पोजिटिभ )र नाबालिगहरू समावेश भएका समलिङ्गी सम्बन्धका घटनाहरूको रूपमा परिभाषित गरिएको छ।

समलिङ्गी यौन सम्बन्ध राख्ने अन्य जो कोही दोषी प्रमाणित भएमा आजीवन कारावासको सजाय हुन सक्छ, जबकि समलिङ्गी सम्बन्ध राख्न खोजेको पाइएमा १० वर्षसम्मको कैद सजाय हुन सक्छ।

युगान्डा संसदकी सभामुख अनिटा एनेट एमोन्गले ट्विटरमा राष्ट्रपतिले विधेयकमा हस्ताक्षर गरेको प्रकाशन गर्ने पहिलो व्यक्ति थिइन्। उनले यस्तो लेखेको छिन : “म महामहिम, राष्ट्रपति, युगान्डाको हितमा उनको अटल कार्यको लागि धन्यवाद दिन्छु,” । “धेरै नम्रताका साथ, म मेरो देशको हितमा बदमाश र षड्यन्त्र सिद्धान्तवादीहरूको सबै दबाबको सामना गर्नु भएकोमा मेरा सहकर्मी सांसदहरूलाई धन्यवाद दिन्छु।”

अफ्रिकाका ५४ देशहरूमध्ये ३० भन्दा बढीमा जस्तै युगान्डामा पनि समलिङ्गीता अवैध थियो। यो पहिलो पटक पूर्वी अफ्रिकी राष्ट्रमा औपनिवेशिक कानून अन्तर्गत अपराध गरिएको थियो, तर १९६२ मा बेलायतबाट स्वतन्त्र भए देखि समलिङ्गी यौन गतिविधिको लागि कहिल्यै सजाय भएको थिएन।

मानवअधिकार अधिवक्ताहरूले उनीहरूले कानूनमा हस्ताक्षर गरेमा अदालतमा चुनौती दिने योजना बनाएको समाचार एबिसीन्यूजले लेखेको छ ।