इनेप्लिज
२०८० वैशाख १६ गते १६:३४ मा प्रकाशित
प्रहरीले सरस्वतीनगर हत्याकाण्डको अनुसन्धान प्रगति उन्मुख भएको जनाएको छ । घटनामा संलग्न भएको आशंकामा प्रहरी नियन्त्रणमा रहेकाहरूसँग सोधपुछ सुरु गरिएको प्रहरी स्रोतले जनाएको छ ।
७ वैशाखमा काठमाडौंको चावहिलस्थित सरस्वतीनगरमा अज्ञात हतियारधारीद्वारा मारिएकी नीरा पाण्डे आचार्यको हत्या भएको थियो ।
हत्याको कारण, संलग्न व्यक्ति र योजनाकार पहिचान नजिक भएको काठमाडौं उपत्यका अपराध कार्यालयका प्रमुख एसएसपी डा. मनोज केसीले बताए ।
‘हामी अनुसन्धानको क्रममा छौँ, अन्य युनिट र हाम्रोबीच अनुसन्धान कार्यमा सहकार्य भइरहेको छ’, उनले भने ।
प्रहरीको केन्द्रीय अनुसन्धान विभाग (सिआइबी) ले एआइजी किरण बज्राचार्यको नेतृत्वमा अर्को छानबिन टोली बनाएपछि अनुसन्धान कार्य झन् गतिका साथ अगाडि बढेको उनी बताउँछन् ।
‘उहाँहरूले हामीले गरिरहेको कामको अनुगमन गर्नुहुन्छ र हामी सँगसँगै काममा तल्लीन छौँ’, डा. केसी भन्छन् ।
प्रतिक्रिया