क्यानडाले सरकारले जारी गरेको उपकरणमा टिकटकमाथि प्रतिबन्ध लगाएको छ ।

क्यानाडाले गत हप्ता युरोपियन संघ (युनियन)बाट यस्तै प्रतिबन्ध पछि तथ्यांक सुरक्षा चिन्ताको कारण सरकारले जारी गरेको हाते संचार उपकरण भ्रमणध्वनि)मोबाइल उपकरणहरूमा सोमबार टिकटकमा प्रतिबन्ध लगाएको छ ।

“क्यानाडा सरकार सरकारी जानकारी सुरक्षित राख्न प्रतिबद्ध छ,” क्यानाडाको ट्रेजरी बोर्डका अध्यक्ष मोना फोर्टियरले एक विज्ञप्तिमा भनिन । “हामी नियमित रूपमा हाम्रो प्रणालीहरूको अनुगमन गर्छौं र जोखिमहरू सम्बोधन गर्न कदम चाल्छौं।”

अमेरिकामा १०० मिलियन (१० करोड )भन्दा बढी मासिक सक्रिय प्रयोगकर्ताहरू रहेको टिकटकले तथ्याँक चिनियाँ सरकारको कब्जामा पर्न सक्ने डरले आन्तरिक र विदेशमा बढ्दो छानबिनको सामना गरेको छ।

गत डिसेम्बरमा कांग्रेसले संघीय सरकारको स्वामित्वमा रहेका सबै उपकरणहरूबाट टिकटकलाई प्रतिबन्ध लगाएको थियो।

क्यानाडामा सरकारले जारी गरेको यन्त्रहरूमा प्रतिबन्धको प्रतिक्रियामा टिकटकका प्रवक्ताले सोमबार एबीसी न्यूजलाई एक विज्ञप्तिमा क्यानाडा सरकारले जारी गरेको उपकरणहरूमा कुनै विशेष सुरक्षा चिन्तालाई उद्धृत नगरी प्रतिबन्ध गरेको बताएका छन् ।

“हामीले क्यानाडालीहरूको गोपनीयता र सुरक्षा कसरी सुरक्षित गर्छौं भन्ने कुरामा छलफल गर्न हामी हाम्रा सरकारी अधिकारीहरूसँग भेट्न सधैं उपलब्ध छौं, प्रवक्ताले भने ।