बुझेकै छौ नि प्रिय तिमीले मलाई 

म “प्रेम” गर्न फेब्रुअरी १४ कुर्दिन  

प्रदर्शन गर्ने बस्तु होइन प्रेम

फोटो पोस्ट्याउनै पर्ने हुँदैन प्रेम

अरूलाई देखाउनै पर्ने हुँदैन प्रेम 

अरूलाई देखाउन मात्र गरिँदैन प्रेम 

तर अहिलेको बजार जो छ नि प्रिय, 

फोटो पोस्ट्याउने हरूको छ 

नक्कले र नक्कलीहरूको छ 

“देखाउने” नक्कली दुनियाँको जो छ  

चाइनिज माल सामान जस्तै !

देख्दा राम्रो, सस्तो पनि….. 

तर के गर्नु प्रिय, 

मेड इन चाइना, आज छ भोलि छैन !! 

त्यसैले तिम्रो प्रेमी देखाउन प्रेम गर्दैन 

प्रेम गर्नेले बाहिर देखाउनै पर्दैन । 

– रामप्रसाद खनाल, फेब्रुअरी १५, २०२३