इरानका सर्वोच्च नेता अयातोल्लाह अली खामेनीले २२ वर्षीया महसा अमिनीको मृत्युपछि पक्राउ परेका “दशौं हजार” प्रदर्शनकारीहरूलाई माफी दिन आइतबार सहमत भएका छन् ।

सरकारको स्वामित्वमा रहेको र नियन्त्रित देशको आधिकारिक समाचार संस्था इस्लामिक रिपब्लिक न्यूज एजेन्सीले यो निर्णय घोषणा गरेको हो।

“अयोतुल्लाह खामेनीले इरानमा हालैका दंगाका थुनामा रहेकाहरू लगायत दशौं हजार दोषीहरूलाई माफी दिन र सजाय कम गर्न सहमत भएका छन्,” आइआरएनएको विज्ञप्तिमा भनिएको छ।

“दोषीहरू” ले मात्र माफी वा कम सजाय पाउनेछन् यदि तिनीहरूले “विदेशीहरूको फाइदाको लागि जासुसी गरेका छैनन भने बिज्ञप्तिमा उल्लेख गरिएको छ ।

इस्लामिक रिपब्लिक न्यूज एजेन्सी(आइआरएनए )अनुसार आक्रमण वा हत्या, वा सरकारी वा सैन्य सुविधाहरूमा आगजनी गरेको अभियोगमा सजाय पाएका कैदीहरूले पनि माफी पाउने छैनन्।

इरानी सरकारले देशमा व्यापक विरोध प्रदर्शनलाई व्यवस्थापन गर्नको लागि अन्तर्राष्ट्रिय प्रतिक्रिया पाएपछि यो निर्णय आएको हो ।

इरानले गत डिसेम्बरमा बुर्का (हिजाब) नलगाएको कारण पक्राउ परेपछि हिरासतमा मृत्यु भएकी अमिनीको मृत्यु पछि महिनौं महिना अशान्ति पछि देशको विवादास्पद नैतिकता प्रहरीलाई बन्द गर्ने घोषणा गर्‍यो।

एक इरानी अदालतले नोभेम्बरमा “ईश्वर विरुद्ध दुश्मनी” को आरोपमा एक प्रदर्शनकारीलाई मृत्युदण्डको सजाय सुनाएको छ, जसलाई सरकारी केन्द्रमा आगजनी गरेको आरोप लगाइएको थियो।

पहिलो मृत्युदण्ड डिसेम्बरमा अर्का एक व्यक्ति मोहसेन शेकरीलाई दिइएको थियो, जो प्रदर्शनको क्रममा तेहरानको मुख्य सडक अवरुद्ध गरेको र अर्धसैनिक बलका एक सदस्यलाई चक्कुले घाइते बनाएकोमा “ईश्वर विरुद्धको दुश्मनी” मा दोषी पाइयो।

कम्तिमा दुई अन्य पुरुषहरूलाई व्यापक विरोधमा भाग लिएको कारण मृत्युदण्ड दिइएको छ भनि युपीआइले समाचार लेखेको छ ।