युक्रेनका राष्ट्रपति भोलोडिमिर जेलेन्स्कीले आफ्नो सरकारले रुससँगको भीषण लडाई भएको पूर्वी डोनेट्स्क क्षेत्रका मानिसहरूलाई अनिवार्य रूपमा खाली गर्न आदेश दिइरहेको बताएका छन्।

डोनेट्स्कका गभर्नरका अनुसार जमस्कोले आफ्नो आक्रमणको प्रभावलाई केन्द्रित गरिरहेको बताए । उनले गत शुक्रबारको आक्रमणमा छ जना सर्वसाधारणको मृत्यु भएको र अन्य १५ जना घाइते भएको बताए।

गत शनिबार बिलम्ब गरि आफ्नो सम्बोधनमा, जेलेन्स्कीले डोनेट्स्क र छिमेकी लुहान्स्क क्षेत्र समावेश गर्ने ठूला डोनबास क्षेत्रमा अझै पनि लडाई क्षेत्रहरूमा रहेका लाखौं मानिसहरूलाई छोड्नुपर्ने बताए।

अहिले जति धेरै मानिसहरू [डोनेट्स्क] क्षेत्र छोड्छन्, कम मानिसहरूलाई रूसी सेनाले मार्ने समय पाउनेछ,” उनले भने। साथै उक्त क्षेत्र छोडेका बासिन्दाहरूलाई क्षतिपूर्ति समेत दिइने उनले बताए ।

“हामी तपाईलाई मद्दत गर्नेछौं। हामी रूस होइनौं। हामी अधिकतम संख्यामा मानव जीवन बचाउन र रूसी आतंकलाई अधिकतम रूपमा सीमित गर्न सम्भव सबै गर्नेछौं। ” उनले भने ।

युक्रेनी संचार माध्यमहरूले उपप्रधानमन्त्री इरिना भेरेशचुकलाई उद्धृत गर्दै यस क्षेत्रको प्राकृतिक ग्यास आपूर्तिहरू नष्ट भएकाले जाडो सुरु हुनु अघि निकासी गर्न आवश्यक रहेको जनाए ।

लाखौं मानिसहरू अझै पनि डोनबासका क्षेत्रमा बसोबास गरिरहेका छन् जहाँ भीषण लडाइँ भै रहेको छ ,जेलेन्स्कीले भने ।

“धेरैले छोड्न अस्वीकार गर्छन् तर यो अझै गर्न आवश्यक छ,” राष्ट्रपतिले भने।