युक्रेनी सशस्त्र बलले आक्रमण तिब्र गरे पछि रुसी सेना स्नेक आइल्याण्ड (टापु)बाट फिर्ता गएका छन् ।

रूसी सेनाले ब्लाक सि (कालो सागर)मा रहेको स्नेक आइल्याण्ड छोडेको युक्रेनी सशस्त्र बलले बिहीबार बताए । उनीहरूले भिषण आक्रमण संचालन गरे पछि उनीहरुले छोडेका र लक्ष्य सफल भएको युक्रेनी सशस्त्र बलले जनाएका छन् ।

सोमबार युक्रेनी सेनाले टापुमा दोस्रो क्षेप्यास्त्र प्रणाली प्रहार गरेको थियो ।

युक्रेनी सशस्त्र सेनाले शत्रुले हतारमा दुई डुंगाबाट बाहिर गएको र खाली गरेको बताए । युक्रेनका राष्ट्रपतिको कार्यालयका प्रमुख एन्ड्री यर्माकले टेलिग्राम पोस्टमा युक्रेनको सशस्त्र सेनाले “उल्लेखनीय कारवाही ” गरेको बताए।

युक्रेनी सशस्त्र बलका प्रमुख भालेरी जालुज्नीले टेलिग्राममा भने हाम्रा तोपखाना, क्षेप्यास्त्र र हवाई हमलाको आक्रमण सहन नसके पछि कब्जा गर्नेहरूले छोडेका थिए।

उनले ओडेसा क्षेत्रका युक्रेनी सशस्त्र बलहरूलाई पनि धन्यवाद दिएका छन् । जसले हाम्रो क्षेत्रको रणनीतिक रूपमा महत्त्वपूर्ण भागलाई मुक्त गर्न अधिकतम उपायहरू लिएको बताए ।