राजनकी श्रीमती उषाले आफ्नो सासू ससुरा र श्रीमानसँग पन्ध्र दिनजतिको विदा मागेर माईत पुगिन् । पन्ध्र दिन पूरा भएपछि अब हाम्री बुहारी आज आउँछिन् होली भन्दै राजनका बाबुआमाले छिमेकीहरुसँग भने । राजनले पन्ध्र दिनको भोलिपल्ट ससुरालीमा फोन गर्यो । फोन ससुराले उठाएका थिए । “उषा त्यहाँबाट आज घर आउने होइन” भनेर सोध्यो । ससुराले कडा स्वरमा “त्यो यहाँ आएपछि त्यसकी आमाले सुख पाएकी छे । त्यसकी आमालाई काम गर्न हलुका भएको पनि छ । त्यसलाई घर पठाई भने त्यसकी आमालाई ठूलो आपत परिहाल्छ नि” भने । “त्यसैले हजुर पनि यहाँ आएर बस्नु प¥यो ज्वाइँसाहेब नत्र छोरीलाई घर जबसम्म मेरो छोरा किरणले विवाह गरेर बुहारी ल्याउँदैन तबसम्म पठाउँदिन” भने ।

राजनले “मेरो आमालाई पनि आपत पर्छ नि । मेरो बाबुआमालाई म त्यहाँ आइ भने कसले हेर्छ नि ? तपाईकी छोरीलाई नपठाए म अर्कै त्यो भन्दा राम्री केटी खोजेर दोस्रो विवाह गर्छु नि” भन्यो ।

सामाखुसी मार्ग, सरकारी धारा,
काठमाडौं