रुसले मेरियुपोलमा नाजी जर्मनीको भन्दा दोब्बर मारेको छ नगर परिषद सिटी काउन्सिले दाबि गरेको छ । रूसी सेनाले दोस्रो विश्वयुद्धको दुई वर्षमा जर्मन नाजीहरूले गरे भन्दा दुई महिनामा मेरिउपोलमा दुई गुणा मानिसहरू मारेको छ ,मेरिउपोल नगर परिषदले आफ्नो टेलिग्राम सरकारी संचार माध्यममा एक विज्ञप्तिमा दावी गरेको छ।

दुई वर्षमा, नाजीहरूले मेरिउपोलमा १०,००० नागरिकहरूलाई मारेका थिए। रूसी कब्जाकर्ताहरूले दुई महिनामा २०,००० मेरिउपोल बासिन्दाहरूलाई मारे। ४०,००० भन्दा बढी मानिसहरूलाई जबरजस्ती हटाइयो,” मेरिउपोलका नगर प्रमुख भाडिम बोयचेन्कोले भने ।

सिएनएनले यी दावीहरूलाई स्वतन्त्र रूपमा प्रमाणित गर्न सक्षम छैन भनि समाचारमा उल्लेख गरेको छ ।

रुसले पनि हिटलरका सेनाहरूले कब्जा गरेको वर्षहरूमा जत्तिकै मेरिउपोलका बासिन्दाहरूलाई गैरकानूनी रूपमा देश निकाला गरेको छ, नगर परिषदले शनिबार आफ्नो विज्ञप्तिमा दावी गरेको छ।

“यो आधुनिक इतिहासमा शान्तिपूर्ण जनसंख्याको सबैभन्दा भयानक नरसंहार हो। रुसी सेनाले हाम्रो शहर र यसका बासिन्दाहरूलाई निर्ममतापूर्वक निशाना बनाउँदै छ,” बोयचेन्कोले उक्त बिज्ञप्तिमा थपे ।