उत्तर कोरियाले आणविक क्षमता बढाउने नयाँ हतियार परीक्षण गरेको छ । उत्तर कोरियाले नयाँ विकसित रणनीतिक निर्देशित हतियारको सफल परीक्षण गरेको दाबी गरेको छ सरकारी संचार माध्यमले आइतवार समाचार दिएको छ ।

यसका प्रमुख प्रतिद्वन्द्वीहरू संयुक्त राज्य अमेरिका र दक्षिण कोरियाले वार्षिक अभ्यास सुरु गर्नुभन्दा एक दिन अघि उत्तर कोरियाले आक्रमणको पूर्वाभ्यासको रूपमा हेरेको छ ।

गत शनिबार साँझ समेत गरेर १३ औं पटक हतियार परीक्षण गरेको हो । आधिकारिक कोरियाली सेन्ट्रल न्यूज एजेन्सी(केन्द्रिय समाचार सँस्था )ले नेता किम जोङ उनले हतियारको सफल प्रक्षेपणलाई अवलोकन गरेको बताएको छ।

“उत्तर कोरियाले अमेरिकी शहरहरूमा लक्षित लामो दूरीको आणविक क्षेप्यास्त्रहरू मात्र नभई सियोल र एसियामा अमेरिकी अड्डाहरूलाई धम्की दिन रणनीतिक आणविक हतियारहरू तैनाथ गर्ने प्रयास गरिरहेको छ,” सियोलको इवा विश्वविद्यालयका प्राध्यापक लेफ-एरिक इजले भने।

“प्योङयाङका उद्देश्यहरू सम्भावित प्रतिरोध र शासनको अस्तित्वभन्दा बढी छन्। रुसले रणनीतिक आणविक हतियारहरू प्रयोग गर्न सक्ने डरलाई प्रयोग गरेझैं उत्तर कोरियाले राजनीतिक जबरजस्ती, रणभूमि वृद्धि र अन्य देशहरूको द्वन्द्वमा हस्तक्षेप गर्ने इच्छालाई सीमित गर्न त्यस्ता हतियारहरू चाहन सक्छ, “उनले भने।

दक्षिण कोरियाका संयुक्त प्रमुख कर्मचारी (चिफ अफ स्टाफ)ले जारी गरेको विज्ञप्तिमा गत शनिबार साँझ उत्तरको पूर्वी तटीय शहर हामहुङबाट दुई प्रक्षेपण पत्ता लगाएको जनाएको छ ।

क्षेप्यास्त्रहरू २५ किलोमिटर (१६ माइल) को उचाइमा ११० किलोमिटर (६८ माइल) र अधिकतम गतिमा उडेको बताए । दक्षिण कोरियाको राष्ट्रपति कार्यालयले उत्तर कोरियाली सैन्य गतिविधिहरु बारे छलफल गर्न अधिकारीहरुले यो सप्ताहन्तमा दुई पटक भेटघाट गरेक थिए ।