गबोरोने , बोत्स्वाना ।दक्षिणी अफ़्रिकि भुपेरिवेष्ठित मुलुक बोत्स्वाना एनआरएनएको आज सम्पन्न बार्षिक साधारण सभाले श्रीमती शान्ती भण्डारीलाई निर्बिरोध अध्यक्ष चयन गरेको छ ।

त्यसैगरी तुलसी कामी अन्तर्राष्ट्रिय समितिको सदस्यमा चुनिनु भएको छ । सर्बसम्मत चुनिएको कार्यसमितिमा गोबिन्द प्रसाद कंडेल उपाध्यक्ष , गोपाल बहादुर खडका महासचिव , जितु बिक कोषाध्यक्ष ,इन्दु दाहाल महिला संयोजक र नारायण प्रसाद दाहाल युवा संयोजक चुनिनु भएको छ ।

त्यसैगरी कार्य समिति सदस्यहरुमा खुश बहादुर , प्रभा बाँसकोटा , खुश्बु कुमारी बजाज , कृष्ण कंडेल र सिर्जना पन्त रहनु भएको छ । साधारण सभाको अनुगमनकर्ता पुर्व अध्यक्ष डा. बिपी यादव हुनुहुन्थ्यो भने सभापतित्व निवर्तमान अध्यक्ष पदम भण्डारीले गर्नु भएको थियो ।

बीस लाख जनसंख्या भएको दक्षिण अफ्रिकाको उत्तरमा रहेको बोत्स्वाना द्रुत गतिले बिकास भइ रहेको अफ्रीकी देश हो । सन १९६० मा प्रती व्यक्ती आय ६० डलर रहेको बोत्स्वानाको अहिले प्रती व्यक्ती आय वार्षिक १८,८२५ डलर छ । खनिज / खानी , पशुपालन र पर्यटन यहाँका आम्दानीका मुख्य श्रोत हुन ।