धरान।खुकुरी प्रहार गरी श्रीमतीको हत्या गरेको आरोपमा प्रहरीले बिहीबार धरान–८ दुर्गापथबाट ३७ वर्षीय तिलकबहादुर माझीलाई पक्राउ गरेको छ। माझीले आफ्नो ३१ वर्षीया श्रीमती सम्झना माझीलाई घरैमा खुकरी प्रहार गरीविभत्स हत्या गरेको आरोपमा पक्राउ गरिएको प्रहरीले जनाएको छ ।

धारिलो खुकरी प्रहार गरी श्रीमान्ले श्रीमतीको हत्या गरेको जानकारीपाएपछि इलाका प्रहरी कार्यालय धरानको प्रहरी टोली घटनास्थलमा पुगेरअनुसन्धान गरेको हो।१३ वर्षीया छोरी र ७ वर्षका छोरा रहेको माझी दम्पतीबीचको विवाद र हत्याको कारण खुल्न सकेको छैन।इलाका प्रहरी कार्यालयका डिएसपी ज्ञानेन्द्र बस्नेतले बिहीबार अपरान्ह साढे चार बजेमाझीले श्रीमतीको गर्धनमा खुकुरी प्रहारी गरी हत्या गरेको बताए।टेम्पो चालकसमेत रहेका तिलकबहादुरको मानसिक सन्तुलन केही दिनदेखि असन्तुलित देखिएको छिमेकीहरूले बताएका छन्।