स्थानीय सनातन धर्म माध्यमिक विद्यालयको कक्षा–१२ मा अध्ययनरत छात्रा भागरथी माघ २१ गते दिउँसो विद्यालयबाट घर फर्किंदै गर्दा एकाएक बेपत्ता भएपछि २२ गते लबलेक जङ्गलमा हत्या गरिएको अवस्थामा शव फेला परेको थियो।तालिमप्राप्त कुुकुर लिएर डीआईजी सुवेदी आफै बैतडी पुग्नुभएको थियो।उहाँको उपस्थितिले हत्या घटनाको अनुसन्धानमा सुरक्षाकर्मीको मनोबल मात्र बढेन; थप सुझाव सल्लाह, निर्देशन र स्थानीयवासीसँगको समन्वय प्रभावकारी बन्यो। भारगथी हत्या घटनाको १५ दिनपछि बुधबार प्रहरीले अभियुक्त १६ वर्षीय दिनेश भट्टलाई सार्व-जनिक गरेको छ।

प्रदेश प्रहरी प्रमुख सुवेदीले सुरुवातको चरणमा अनुसन्धानको घेरा फराकिलो बनाए पनि भट्टको पक्राउ पछि साँघुरिएको स्पष्ट पार्नुभयो।कुराकानीमा उहाँले भन्नुभयो, “अभियुक्त भट्टमाथि सुरुवातीकै चरणमा शङ्का गरे पनि स्वीकारी नसकेकाले अनुसन्धानले समय लिएको हो ।” हत्या घटनाबाट सङ्कलित प्रमाणले अभियुक्त भट्टलाई किटानी गरे पनि प्रहरी भने उनकै मुख बाट सुन्ने प्रतीक्षामा थियो।सुवेदी पनि सुझबुझ,पर्याप्त प्रमाण तथा तथ्य आधार देखाएर अभियुक्त सार्वजनिक गर्ने निर्णयमा पुग्नुभएको थियो । त्यही भएर अलि बढी समय लागेको हो । भिडियो सहित