प्रवासले लुटे सबै खुसी
नझाङ्गिदै टुटे सबै खुसी
थचारिए प्रकल्पनाहरू
अप्राप्यमा जुटे सबै खुसी
डुबेछ जिन्दगी अन्योलमा
अत्यासले भुटे सबै खुसी
छियाछिया छ बेसरी मन
सिसासरी फुटे सबै खुसी
न आस पूर्ण भो न चाहना
विषादले चुटे सबै खुसी
मुहारमा छ खिन्नता सधैँ
स्वदेशमै छुटे सबै खुसी
(ज र ज गु)
विश्रामम ४/४ अक्षर
-कोमल भट्ट
च.न.पा -१३
पुरानो नैकाप,काठमाडौँ
हाल:- न्युयोर्क,अमेरिका
प्रतिक्रिया