अमेरिकामा कलिवुड नाइट–२०१९

गोविन्द गिरी प्रेरणा २०७६ असोज २३ गते १:३८ मा प्रकाशित

केसी डान्स सेण्टर डिसी मेट्रो क्षेत्रको यौटा नृत्य सिकाउने थलो मात्र नभएर हरेक वर्ष “कलिउड नाइट’’ को आयोजना गरी वर्षेनी दशैं तिहारको लागि नेपाली साँस्कृतिक कार्यक्रम देखाउने र मनोरञ्जनको साथसाथै साँस्कृतिक जगेर्नाका लागि महत्वपूर्ण योगदान पु¥याउने एक अपरिहार्य संस्थाको स्वरुप वनिरहेको सेण्टर हो । नियमित सशुल्क नृत्य प्रशिक्षण मात्र नभएर निशुल्क अनलाईन नृत्य प्रशिक्षण यस सेण्टरको अर्काे विशेषता हो ।

लामो समयदेखि डिसी मेट्रो क्षेत्रमा रहँदै आएका नविन केसी र लुना श्रेष्ठ यस सेण्टरका दुई खम्वा हुन् । दुवै कुशल नृत्यकार हुन् र कोरियोग्राफर पनि । यस क्षेत्रमा हुने सवै प्रकारका साँस्कृतिक कार्यक्रमको आयोजनामा यी दुईको प्रमुख भूमिका हुने गर्थिय्यो । यस क्षेत्रमा नेपाल चौतारीको नाममा दशैं तिहारमा साँस्कृतिक कार्यक्रमको आयोजना भयो, तर त्यसले निरन्तरता पाउन सकेन । नायक सरोज खनालको अग्रसरतामा युनाईटेड नेपालको नामवाट पनि कार्यक्रमहरु भए, तर उनको नेपाल गमनसँगै त्यसको निरन्तरता भङ्ग भयो । यि सवैमा नविन र लुनाको योगदान भए पनि अघिल्लो पङ्तीमा अरु नै थिए ।


तर २०१७ देखि नसवन र लुना आफैं अघि सरेर कलिवुड नाइटको शुरुवात गरे । २०१८ मा यसलाई निरन्तरता दिए । तर ती दुवै वर्ष नेपालका कलाकार पनि संलग्न थिए । तर यस वर्ष “कलिवुड नाईट २०१९’’ मा भने पूरै स्थानिय कलाकारहरुवाटै पूरै कार्यक्रम तयार भयो र अत्यधिक सफल पनि भयो । यसवाट स्थानिय कलाकारहरुले आफ्नो प्रतिभा देखाउने अवसर पाए । कलिउड नाइटले “सुपर मम’’ को अवधारणा सन् २०१७ मा ल्यायो, जसमा गृहिणी महिलाहरुलाई मञ्चमा उतारिएको थियो । यो पहिलो वर्ष हट केक भयो । दोश्रो वर्ष पनि उत्तिकै रुचाइयो । र यस वर्ष पनि झनै रुचाईयो । पहिलो वर्ष केवल सुपर मम मात्र थिए भने दोश्रो वर्ष साना वालिकाहरुलाई पनि समावेश गराईएको थियो । यस वर्ष सुपर ड्याडहरु पनि थपिए, साना वाल वालिकाहरुसहित ।

यस वर्षको उत्तम कुरा थियो, अत्यधिक वाल वालिकाहरु समावेश गरिनु । आजका वालवालिका नै भोलिका उज्ज्वल तारा हुन् । तिनले आजै मञ्च पाउँदा भोलि ती मध्येवाट उत्कृष्ट कलाकार वन्ने सम्भावनाको ढोका खुल्दछ ।

संघारमा आएको दशैंलाई सङ्केत गर्दै दुर्गा भवानीको आराधनावाट शुरु भएको कार्यक्रम छिट्टै आउने तिहारको देउसीवाट समापन हुँदा सारा दर्शकहरुले दशैं र तिहारको झझल्को महशूस गर्न पाएका थिए । कार्यक्रममा साना साना केटाकेटीहरुदेखि राम मालाकार जस्ता वयोवृद्ध जेष्ठ नागरिकसम्मलाई मञ्चमा उतार्नु कम मेहनतको कुरा थिएन, कम महत्वको कुरा थिएन । एउटै मात्र खट्केको कुरा हास्य व्य«्ग्यात्मक आइटम थियो । तर सवै कार्यक्रमहरुको मिठासमा भुलेका दर्शकहरुले यो कमीको महशूस गर्नै पाएनन् । उनीहरुले यो कमीको पत्तै पाएनन् ।

कार्यक्रमको पहिलो आइटम दुर्गा स्तुति तथा मङ्गल गान थियो जसमा कलाकारहरु सोनिका महत दर्गाको रुपमा थिइन् भने अरु कलाकारहरु थिए रिया श्रेष्ठ, रिचा ढकाल, दिप्ती अधिकारी, स्वाति गुप्ता, अक्षरिका खनाल, अनुष्का पाण्डे, नितिश चौधरी, दीया पौडेल र अङ्किता कोइराला थिए ।

त्यसपछि कलिवृड नाइट २०१९ को आयोजकको तर्फवाट नविन केसी र लुना श्रेष्ठले स्वागत अभिवादन गरेका थिए औपचारिक रुपमा ।

त्यसपछि आएका थिए कार्यक्रमलाई शुरुदेखि अन्तसम्म डो¥याएर लैजाने उद्घोषकहरु पर्शु तिमिल्सिना, समीक्षा सापकोटा र रिचा ढकाल । डिसी मेट्रो क्षेत्रका लागि रमाइलो र प्रभावकारी उद्घोषणमा चिनिएका प्रतीभा हुन् परशु तिमिल्सिना । नयाँ प्रतिभा समिक्षाका साथै वाल कलाकार तथा भविष्यका उद्घोषकका रुपमा रिचा ढकाललाई मञ्चमा ल्याउनु यो कार्यक्रमको अर्काे विशेषता थियो ।

त्यसपछि सुपर लिटिल गल्र्सहरुको नृत्य प्रस्तुति थियो वालापनको उमेर गीतमा । वालकलाकारहरु थिए स्वस्तिका ज्ञवाली, सुहाना शाही, प्रितिका रिजाल, प्रनिशा रिजाल, इभा गुरागाईं, किन्जल रिजाल, रेजाल पाण्डे, किन्जल शर्मा, विभूति अधिकारी, अर्विना तिवारी, अन्सुया सुवेदी, रेवा वस्नेत, सदीक्षा वस्याल तथा सुभी भुषाल ।

त्यसपछिको अर्काे प्रस्तुति थियो डम्फूमा वज्यो ए कान्छा गीतमा रिया श्रेष्ठ, रोमा भण्डारी तथा आस्था ढकालको रमाइलो नृत्य ।

त्यसपछि आएका थिए न्यूयोर्कलाई कर्मथलो वनाएका गायक जगदीश समालको । उनले अन्जु पन्तले गाएको अत्यधिक लोकप्रिय पप गीत “न विर्से तिमीलाई, न पाएँ तिमीलाई’’ वोलको गीत मेल भ्वाइस प्रस्तुत गर्दै अरु गीत समेत गाएका थिए ।

चाहिन्छ वसन्त मेरो तनमन भरि गीतको वोलमा त्यसपछि अर्काै रमाइलो सामुहिक नुत्यको प्रस्तुति थियो जसमा कलाकारहरु लुना श्रेष्ठ, राहुल केसी, रोमा भण्डारी, रिया श्रेष्ठ, अङ्किता कोइराला, दीया पौडेल, दीप्ति अधिकारी, रीचा ढकाल, आस्था ढकाल, आयुशा ढकाल, अनुष्का पाण्डे, नितिशा चौधरी, तेजस्वी पाण्डे र स्वाती गुप्ताले मनमोहक नृत्य प्रस्तुत गरेर दर्शकको मन जित्न सफल भएका थिए ।

यसपछिको प्रस्तुति लिटील रकस्टारहरुको थियो । साँच्चै नै यी वाल कलाकारहरु रकस्टारको वाल संस्करण भन्दा अत्यक्ति हुने थिएन । यस समूहमा शान राजभण्डारीले त एक प्रकारले चमत्कार नै देखाएका थिए । शानका अलावा अरु कलाकारहरुमा रायन वस्नेत, आदित्य निरौला, निशान्त रिजाल, शादिक मुडभरी, संस्कार वुढाथोकी तथा आयन एस राथोर थिए ।

त्यसपछिको प्रस्तुति थियो क्यालिफोर्नियालाई कर्मभूमि वनाएकी गायिका नलिना चित्रकारको । आफ्ना पुराना तर लोकप्रिय गीतले नित्य निरन्तर दर्शकलाई लट्ठ पार्न सक्ने नलिनाले आफ्ना सदावहार गीतहरु “कहाँवाट आयो…’’ तथा “चाहिंदैन हिरा र मोती मायाँ भए पुग्छ..’’ प्रस्तुत गरेर दर्शकको मन जितिन् र मध्यान्तर भयो ।

खचाखच पूरा भरिएको हलका दर्शकहरु त्यसपछि मोमो र सेलरोटी तरकारीका लाईनमा लागेका देखिन्थे ।

मध्यान्तरपछिको नृत्य नेपालको भौगोलिक विविधता झल्काउने, भाषिक विविधता झल्काउने तथा साँस्कृतिक विविधता झल्काउने खालको थियो, वहु साँस्कृतिक प्रस्तुति जसमा धिमाल, नेवारी, भोजपुरी तथा शेर्पा नृत्यहरु तथा टप्पा नृत्य प्रस्तुत गरिदा अनेकतामा एकता नेपालको विशेषता भन्ने उखान चरितार्थ भएको महशूस गर्न सकिन्थ्यो । यो नृत्यमा यज्ञमान शाक्य, राहुल केसी, सविना वज्राचार्य, सुहाना शाही, स्वस्तिका ज्ञवाली, रोमा भण्डारी, रिया श्रेष्ठ, दीप्ति अधिकारी, अङकिता कोइराला तथा स्वाती गुप्ताले भाग लिएका थिए । यसले यौटा राम्रो सन्देश प्रवाह गरेको थियो ।

त्यसपछि सुपर गल्र्सको आँखैमा गजल लाएर हेरुँ भन्छु वोलको गीतमा नृत्य प्रस्तुत भएको थियो जसमा अङ्किता कोइराला, दीप्ति अधिकारी, रीचा ढकाल, दीया पौडेल, स्वाती गुप्ता, नितिशा चौधरी, अनुश्का पाण्डे, सुधात्री शर्मा, अक्षरिका खनाल र वेन्जु राजभण्डारीले छमछमी नाचेर मनोरञ्जन प्रदान गरेका थिए ।

यस कार्यक्रममा पहिलो पल्ट सदावहार लोकगायक प्रेमराजा महतले कलाकार रीमा केसीका साथ तथा वालकलाकारहरुसहित गीत प्रस्तुत गरे नृत्यको साथमा । यो उनको यसप्रकारको पहिलो प्रस्तुति थियो । उनीहरुलाई साथ दिने वाल कलाकारहरु थिए ऐश्वर्य निरौला, सुयक्षा नेपाल, सदीक्षा मुडभरी, रेहाना नेपाल, श्लेष्मा पन्त, सिमरन ढकाल, यासी डि आचार्य, आर्या वानिया, विनिशा अधिकारी, समा भुषाल, ओजस्वी केसी तथा आर्जु कार्की ।

 

त्यसपछिको प्रस्तुति थियो वहुप्रतिक्षित सुपर ममहरुको प्रस्तुति जसमा यसपल्ट सुपर ड्याडहरुले पनि साथ दिएका थिए । केसी डान्स सेण्टरले लगातार तेश्रो वर्षसम्म प्रस्तुत गर्दै आइरहेको यो नृत्य सधैं लोकप्रिय रह्यो र यसपाली झनै मन पराए दर्शकहरुले । “चोली राम्रो पाल्पाली ढाकाको…’’ वोलको गीतमा नृत्य गर्ने सुपर ममहरु थिए रुविना प्रजापती, सविना वज्राचार्य, सोनिका महत, जया श्रेष्ठ, सुजना ढकाल, रेखा एस भण्डारी, अर्चना लामा, गीता नेउपाने, गौरी गजुरेल, वविता श्रेष्ठ, सम्झना खतिवडा भने सुपर ड्याडहरु यमन श्रेष्ठ, युवराज ढकाल, माधव भण्डारी तथा कृष्णा ढकालले साथ दिएका थिए ।

 

त्यसपछि फेरि उदाइन् गायिका नलिना चित्रकार । अघिल्लो प्रस्तुतिमा मञ्चवाटै विदा भएकी उनी यसपल्ट भने दर्शक दिर्घामा आएर सवैलाई नचाएर मनोरञ्जन प्रदान गरिन् । कतिसम्म भने अमेरिका भ्रमणमा आईराख्नु भएका पूर्व शिक्षा मन्त्री तथा साँसद दीनानाथ शर्मालाई पनि उनले आफूसँगै नचाइन् । नलिनाको क्रेज यथावत् रहेको सवैले अनुभव गरे ।

त्यसपछि थियो कार्यक्रमको अन्तिम कोशेली तिहारको देउसी सहितका नृत्य । यसमा अलिकति नाट्य प्रस्तुतिको समेत झल्को पाउन सकिन्थ्यो । गाउँका मुखियाको घरमा देउसी खेलेको तथा सो अवसरमा प्रस्तुत भएको नृत्य तथा देउसुरेहरुले दिएको आशिष सहित यो लामोप्रस्तुतिसँगै सम्पूर्ण कार्यक्रमको अन्त्य भएको थियो । यो प्रस्तुतिमा मिसिएको नविन केसी र सुष्मा खनालको नृत्यलाई अत्यधिक रुचाएका थिए दर्शकहरुले । मुखिया वा का रुपमा राम मालाकार, मुखियाकी छोरीको रुपमा लुना श्रेष्ठ, देउसी भट्याउने पर्शु तिमिल्सिना तथा साथमा कलाकारहरु नविन केसी, सुष्मा खनाल, सगुन लुईंटेल, रुविशा ढुङ्गेल, आकृति गडतौला थिए भने सुपर मम्स, सुपर गल्र्स, सुपर ड्याड्सहरु गाउँलेका रुपमा मञ्चमा आउँदा पूरै मञ्च भरिभराउ भएको थियो ।


यो वर्षको प्रस्तुति, लोकप्रियता र दर्शकको घुईंचोले आगागि वर्ष यो हलले धान्न नसक्ने हो कि भन्ने धेरैको टिप्पणी थियो ।

३ अक्टोवर २०१९
फल्सचर्च, भर्जिनिया ।

 

प्रतिक्रिया