शुक्रबार, असोज ३ २०७६
काठमाडौं १७:५९
वासिङटन डिसी 08:14

बहुविवाह गराएको आरोपमा फिल्म निर्देशक सम्झना र फोटोपत्रकार विकास रौनियारविरुद्द मुद्दा

इनेप्लिज २०७६ साउन १० गते ११:०३ मा प्रकाशित

काठमाडौँ । नायिका शिल्पा पोख्रेल र निर्माता छबी ओझाको बहुबिबाह गराएको आरोपमा फिल्म निर्देशक सम्झना  राैनियार र फोटोपत्रकार विकास रौनियारविरुद्द मुद्दा परेको छ । विकास रौनियार शिल्पाले भाई टिका लगाएकी दाई  हुन् भने सम्झना विकासकी पत्नी  हुन् ।

छबीकी जेठी पत्नी हेमाले बहुविवाह मुद्धा गरेसँगै राैनियार दम्पत्तीविरुद्ध पनि मुद्धा परेको हो । हेमाको मुद्धा हेरिरहेको यूनाइटेड नेपाल लिगल सर्भिसेजले निर्देशक विकास र सम्झनासँगै काठमाडौं महानगरपालिका वडा नं. ८ का वडा अध्यक्ष समेतको विरुद्धमा उजुरी दिएको छ ।

उनीहरुमाथी बहुविवाह गराएको आरोप लगाइएको छ । छवी र शिल्पाको विवाहका साक्षी बसेका सम्झना र विकाससँगै बहुविवाह दर्ता गरेका वडा अध्यक्ष सहित विवाह दर्ता प्रक्रियामा सामेल भएका सम्पूर्ण कर्मचारी विरुद्ध उजुरी परेको हो । शिल्पालाई बैनी बनाएका रौनियार दम्पत्तीले विवाहमा कन्यादान दिएका थिए ।

उनीहरु दोषी ठहर भएमा बहुविवाहको मुद्धामा दोषी ठहर भएकाहरुलाई तोकिएको सजायको आधा सजाय उनीहरुले समेत भोग्नु पर्ने हुन्छ । बहुविवाहको मुद्धामा दोषीलाई १ देखि ५ वर्षसम्म जेल र १० देखि ५० हजारसम्मको जरिवाना हुने व्यवस्था छ । साक्षीहरुको हकमा माथि उल्लेखित सजायको आधा सजाय हुने व्यवस्था छ ।

प्रतिक्रिया