१.पोखरा
अनुहारमा लालित्य छ झललल,
तल सेती खोला सलवलाऊंछ खलखल,
मदमस्त मुद्रामा घाम ओडेर,
मुसुक्क हांस्छ विहानी,
शीरमा शीरपेंज लगाएकी,
महारानी जस्तै,
माछापुछ्रे !
२ काठमाण्डू
टक्क अडेर,तल हेर्छन
विर्मग्घम मुद्रामा मंदीरहरू
सुस्तरी पाईला चाल्छ र अगाडि बग्छ
फूईं , फ़ूईं,चूरोट तान्छ र वेस्सरी खोक्छ,
चीसो सिरेटोको दोलांई वन्छ वादल,
हिमालका आकृतिहरू विलाउंदै जान्छन,
र झोक्क्राऊंछ यो शहर !
३.वोस्टन
नित्य मौनतामा,सरक्क अगाडि वढछ,
र दिन शुरू हुन्छ,तनक्क आंग तान्दै,
भूराहरू कुदछन पाठशाला तिर,
गुरूहरू आखवारलाई ऊत्तानो पारेर,
विश्वलाई नै चीरफार गर्छन,
हात हातमा आईफ़ोन बोकेका छन थरि, थरिका मान्छेका हूल,
न कसैलाई,कसैको चासो छ,
दौड़ा दौड़ भागाभाग छ,
ठुकठुकाऊंदै चीसो,
विवशताको सिरक ओढेर,
अनिंदो छ यो शहर !
५/९/१९
राजमित्र प्रागण,
माल्डेन, वोस्टन,
अमेरीका
वोस्टन
अमेरीका
प्रतिक्रिया