कोमल गजल:-

इनेप्लिज २०७६ वैशाख १८ गते १०:४१ मा प्रकाशित

प्रिय बिना विकल भयो घर

विरहको महल भयो घर

छटपटी छ दिनहुँ ज्यानमा

विरतिले तरल भयो घर

सुख र शान्ति क्षितिजमा पुगे

सुखदमा विफल भयो घर

दिनदिनै अकुशलता बढे

नियतिको दखल भयो घर

भरित छन् नयन सधैँभरि

भलभली सजल भयो घर

न त सकिन्छ दिन न राखन

विकटको फसल भयो घर

(न भ स ल गु )

विश्राम – ४ अक्षरमा

– कोमल भट्ट

च.न.पा-१३ पुरानो नैकाप,

काठमाडौँ

हाल:- न्युयोर्क.

प्रतिक्रिया