कोमल गज़ल:-
इनेप्लिज
२०७५ माघ २७ गते १२:२५ मा प्रकाशित
जिन्दगीको सहारा नै खोस्यो निष्ठुरीले
पार लाग्ने किनारा नै खोस्यो निष्ठुरीले
झलमल्ल जुनेलीले मक्ख हुन्थ्यो मन
चाँदनी र सितारा नै खोस्यो निष्ठुरीले
कति गरेँ पूजाआजा कति भाकेँ दैव
चोखो मेरो पुकारा नै खोस्यो निष्ठुरीले
बोलेर वा इशाराले पोखें पीडा धेरै
बोली तथा इशारा नै खोस्यो निष्ठुरीले
बिचल्ली भो माउ विना बचेराको जस्तै
न्यानो माया र चारा नै खोस्यो निष्ठुरीले
सधैँभरि छचल्किन्थ्यो सुख, शान्ति, चैन
मनचिन्ते भण्डारा नै खोस्यो निष्ठुरीले
निसासिन्छ जिन्दगानी सन्त्राशले घेर्दा
सुरक्षाका तगारा नै खोस्यो निष्ठुरीले
(८ अक्षरमा विश्राम)
-कोमल भट्ट
चन्द्रागिरी नगरपालिका,
वा.नं.१३ -पुरानो नैकाप
काठमाडौँ
हाल:- न्युयोर्क
नर्थ क्यारोलाइनामा नेपालीद्वारा ट्याक्स व्यवसाय संचालनमा
ताजा जानकारी : सिकागोमा बन्दुकधारीको गोली बाट ५ जनाको मृत्यु,५ जना प्रहरी घाइते
अमेरिकामा राष्ट्रिय आपतकाल
अमेरिकाबाट आयो नेपाली हास्य श्रृंखला ‘अम्रिकामा बुढी आमै’
डीसीमा प्रेम दिवसको अवसरमा गायिका रिता श्रेष्ठको ‘सपनामा भए पनि ” म्युजिक भिडियो सार्वजनिक
प्रतिक्रिया