प्रहरी प्रवक्ताले निर्मला हत्या काण्डमा बम दिदी बैनी दोषी हुन कि हैनन भन्ने यकिन भै नसकेको भए पनि दोषी उम्कन्छ कि भन्ने विषयमा सङ्का नगर्न अनुरोध गर्नु भएको छ । छानबिन चलिरहेको र बम दिदी बैनी दोषी भएको पाइए कार्वाही भएरै छाड्ने प्रतिबद्धता समेत ब्यक्त गर्नु भएको छ । त्यस्तै पछिल्लो समय रामबहादुर बमजनको आश्रम भित्र भएका गतिबिधी र बमजन माथी लागेका आरोपबारे प्रहरीले गम्भीर छानबिन गरिरहेको भन्दै बमजनका गतिबिधी स्वभाबिक नभएको प्रती प्रहरी जानकार रहेको समेत बताउनु भएको छ ।

बमजन को आश्रम बाट हराएका मानिसको अवस्था बारे अध्ययन गरिरहेको प्रहरी अनुसन्धानको धेरै काम पूरा गरिसकेको र केही थप अनुसन्धान गर्नु आवस्यक भएको ले परिणाम देखिन अझै केही दिन समय लाग्ने बताउनु भएको छ । यस्ता गम्भीर विषयमा प्रहरीले कठोर भएरै अनुसन्धान गरिरहेकोले प्रहरीको अनुसन्धान प्रती सङ्का नराख्न अनुरोध गर्दै बमजन दोषी पाइएको खण्डमा बमजनलाई प्रहरी ले कानुनी कठघरामा उब्याएरै छाड्ने प्रतिबद्धता समेत ब्यक्त गर्नु भएको छ।