आइतबार, माघ ९ २०७८
काठमाडौं ०९:१७
वासिङटन डिसी 22:32

द भोईस अफ नेपालया रियालिटी शोलय नेपाल मण्डलया म्ह्यायमचा अनु शाक्य योग्य व ट्यालेन्ट जुया नं भोटया आधारे बुईगु सम्भाबना

इनेप्लिज २०७५ मंसिर १० गते २३:५१ मा प्रकाशित

द भोईस अफ नेपालया रियालिटी शोलय टप १६ तक प्रवेश याम्ह: नेपाल मण्डलया म्ह्यायमचा अनु शाक्य योग्य व ट्यालेन्ट दया नं भोटया आधारे बुईगु सम्भाबना योक्को दु l थ्व सिबें न्ह्यो जुगु नेपाल आईडल ज्याझ्व:लय मेपिं प्रतिस्प्रधि स्वया योग्य व ट्यालेन्ट दयानं केंजल मेहर श्रेष्ठ भोटया आधारे बुत l

पोखराया प्रतिस्प्रधी जुल धासा फुक्क पोखरा जाना भोट बि , धनगढीयाम्ह: जुल धासा फुक्क धनगडी हे जाना वोईत भोट बिया साथ बि तर नेपाल मण्डल यापिं प्रतिस्पर्धी जुल धासा योग्यता व ट्यालेन्ट दया नं भोटया आधारे न्ह्याब्ले बुई , राजनीतिक चुनावय नं भोटया आधारे बुई , न्ह्याथाय नं बुईगु धैगु झिगु बानि हे जुई धुन्कल l झिसं नं भोट बियेगु ज्याय ग्वाहालि यायगु व प्रचार प्रसार याय मज्युला ? नेपाल मण्डलया पासापिंत न्योन धा:सा फुक्क हे फुर्सद मदु धापिं जक जिं खना च्वना l जित ला गब्लें गब्लें गथे लगे जु धाय बले जिपिं जापाने च्वोपिं सिबें नेपाल मण्डल दुने च्वोपिं पासापिं झीगु दुगना व्यस्त जुगु जिं तायका च्वना l

झिपिं तसंकं हे स्वार्थी जुये धुन्कल, झी थ: मचाया लागि लाखौँ खर्च यायत छप्ति हे नुग मस्या तर थ: बाहेक मेपिंत ग्वाहालि यायगु खं वल की फुर्सद हे दई मखु धेबा नं दई मखु l तर थ:त समस्या वल धासा उखें थुखें ग्वाहालि फ्वना जुयगु झीगु बानी l समस्या मव:तले काय नं मखु बि नं मखु l

वर्तमान परिवेषलय थ्याक्क मिलय जुगु
सिद्दिदास बुँदि बले नसंचा हालिगु म्येया छगु हरफ थन न्ह्यथना च्वना l
आ तक झित न्ह्यो हे जक सात रे ,झीत धका न्योंकुगु म्ये झंग तयसं लात रे
अन्तय,
द भोईस अफ नेपालया टप १६ तक प्रवेश याम्ह: झि नेपाल मण्डलया म्ह्याय मचा अनु शाक्ययात भोट बिया मेगु राउण्डलय तक थ्योंकेगु व थासय लाक्क बल थ्वायगु जिम्मा आ: छिगु हे ल्हातय l सुभाय l

प्रतिक्रिया