पिएनपिखबर, भक्तपुर : धनकुटा जिल्लामा २७ वर्षअघि ७ महिनामा आमाको कोखबाट जन्मिएर ७ बर्षमा नै अलौकिक शक्ति ज्ञान पाएर हाल काठमाडौंमा बस्दै आएकी नेपाली माता सविता सरु शर्मा आचार्यको आफ्नो भविष्य वाणीले गरेर पटक-पटक चर्चामा आउने गर्छिन।

उनले अहिलेसम्म नेपालका नाम चलेका राजनीतिज्ञदेखि लिएर चर्चित कलाकार, उद्योगपतिहरु र पूर्वराजा ज्ञानेन्द्र शाह, हिमानी शाह, पूर्वप्रधानमन्त्री माधवकुमार नेपाल, शेर बहादुर देउवा, नायिका रेखा थापालगायतका दर्जनौ चर्चित अनुहारहरुको भूत, भविष्य र वर्तमान हेरिसकेकी छिन्।

त्यस्तै, सर्वसाधारणहरुसमेत गरेर अहिलेसम्म झण्डै १३ लाख जनाको भविष्य हेरिसकेको बताउने सवितालाई भक्तजनहरुले माताजी भनेर सम्बोधन गर्ने गर्दछन्। साथसाथै उनी अहिले देश विदेशमा नेपाली माताजीको नामबाट नै प्रख्यात छिन्। उनको घरमा भविष्यवाणी गराउन आउनेहरुको भिड लाग्ने गर् । केहि रकम लिएर उनले भविष्यवाणी हेर्दिने गरेकी छिन्।

माताजीको हालसालैको भविष्यवाणी माताले संबिधान सभाको संसद भवन भएको स्थान ठिक नभएको कारण सधै वार्ता असफल हुने, किच -किच बढी हुने बताएकी थिइन्। यसको साथै उनले बालुवाटारमा रहेको प्रधानमन्त्री निवास पनि अशुभ ठाउँमा रहेको जनाईन।

लामो समय देखि अरुको भविष्य हेर्दै आए पनि उनलाई भिडियोमा गालीगलौज गर्नेको पनि एक जमात छ। त्यस्तो नकारात्मक कमेन्ट गर्नेहरुलाई हाम्रो अघिल्लो कुराकानीको क्रममा माताले आक्रोशित मुद्रामा भनिन,’भविष्यवाणी गर्दिदा, तपाईको यस्तो उस्तो हुन्छ भंदिदा किन आक्रोश पोख्नु हुन्छ, किन गालीगलौज गर्नु हुन्छ। यो त मेरो पेशा हो। मैले कसैलाई ठगेको छैन। कसैको केहि बिगरिदिएको छैन।’ कुराकानीको क्रममा माताले नेताहरुलाई व्यङ्गले भरिएको गजल पनि गाएर सुनाईन।