पिएनपिखबर, भक्तपुर : लम्जुङ्गमा जन्म भएका यी नव प्रतिभाको नाम विशाल तामाङ्ग हो। विशाल तामाङ्ग आफुलाई राइजिङ्ग स्टार भन्न रुचाउछन्। उनी गायक बन्ने सपना बोकेर काठमाडौँ आए। उनी पढाईका साथ्-साथै आफ्नो सांगेतिक यात्रालाई पनि अघि बढाई रहेका छन्।

नव गायक विशाल निकै मिठो गीत गाउने गर्छन। उनको बाल्यकाल गाउँमै बित्यो। उनलाई सानै देखि गीतमा रुचि थियो। ६ वर्ष देखि आफ्नो भविष्य बनाउन काठमाडौँ बसेका विशालले भर्खरै १२ को परिक्षा दिए । उनले ४ वटा गीत रेकर्ड गराइसकेका छन्। गाउनुको साथै उनी गीतार पनि बजाउने गर्छन।

उनले लम्जुङ्गमा बस्दा ‘लम्जुङ्ग तारा’मा प्रथम स्थान हासिल गरेका थिए। त्यसपछि उनले फिल्ममा गीत गाउने अफर पाए। यसरी उनको सांगेतिक यात्रा शुरु भयो। उनी आधुनिक गीत गाउने गर्छन। साथौ देशभक्ति गीतको पनि अफर पाएको उनले बताए ।

आधुनिक गीतको साथ्-साथै राष्ट्रभाव झल्किने गीत पनि निकै मिठो आवाजमा गाउँछन् विशाल। हसिलो र लजालु स्वभाव भएका विशालले थुप्रै चर्चित गायकहरुको गीतहरु पिएनपिखबरसँगको कुराकानीमा गाएर सुनाए।

युवा गायक विशाललाई रोमान्टिक र भावुक गीत मनपर्छ। सांगेतिक क्षेत्रमा आर्थिक अवस्था र यस क्षेत्र सम्बन्धित व्यक्तिलाई नचिन्दा धेरै गाह्रो हुने उनले बताए। उनले आगामी दिनहरुमा म्युजिक क्लास लिएर आफ्नो कलालाई अझै निखार्ने योजना बनाएका छन्।