आर्यन सिग्देल र साम्राज्ञी राज्यलक्ष्मी शाहले पहिलो पटक स्क्रिन सेयर गरी चर्चामा रहेको फिल्म ‘कायरा’ को ट्रेलर रिलिज भएको छ । म्युजिकल लभ स्टोरीमा आधारित फिल्ममा आर्यन र साम्राज्ञीको जोडी गज्जबै देखिएको छ । आर्यन र साम्राज्ञी बीचको प्रेम, रोमान्स र विछोड देखाइएको छ भने आर्यन र साम्राज्ञीबीच लिप किसको दृश्य पनि समाबेश छ ।  साउन १८ गतेबाट अल नेपाल रिलिज हुन लागिरहेको यो फिल्मको सुटिङ फिलिपिन्समा गरिएको हो ।

ट्रेलरमा संवाद भन्दा बढि गीतहरु समेटिएका छन् । ट्रेलर रिलिज कार्यक्रममा आर्यनले आफुले फिल्मी क्षेत्रमा बिताएको १५ बर्षको अनुभव र लभस्टोरी फिल्मको पारखी भएकोले नै कायरा अन्य फिल्म भन्दा भिन्न बनेको दाबी गरे ।

फिल्ममा रोजेट काय पाब्लो नाम गरेकी फिलिपिनी नायिकाले पनि अभिनय गरेकीछिन् । आर्यन इन्टरटेन्मेण्ट प्रडक्सनबाट निर्माण भएको यस चलचित्रमा लक्ष्मण रिजालको निर्माण एवं  निर्देशन रहेको छ ।