विजय थापा ,नेपाली चलचित्र “भुईमान्छे” डिसी चलचित्र मन्दिरमा जुलाईमा प्रदर्शन हुने भएको छ । चलचित्र “भुईमान्छे”आगामी जुलाई २९ तारिख आइतबार प्रदर्शन हुने छ ।

शैली ईन्टरटेन्मेन्ट एण्ड मुभिज प्राली र शैली थिएटरको प्रस्तुती चलचित्र ’भूईँमान्छे’ अस्पतालमा पोष्टमार्टम (शव परिक्षण )गर्ने मान्छेको कथा हो । दैनिक लाश चिर्ने मान्छेको जीवन कस्तो हुन्छ ।

उसलाई समाजले कसरी हेरेको हुन्छ । उसको मनोविज्ञान कस्तो होला ? यीनै कुराहरुलाई चलचित्रले समेटेको छ । चलचित्रका निर्माता रोहिणी भट्टराई तथा चलचित्रका मुख्य निर्देशक रमेश बुढाथोकी हुन् ।

चलचित्रमा सिपोरा गुरुङ्ग, रमेश बुढाथोकी, सहिन प्रजापति, रोहणी भट्टराई,बादल भट्ट,रामबाबु रेग्मी,शसांक बोहोरा, आर्यान न्यौपाने , नारायण न्यौपाने , सानु ताम्राकार,सौरभ ढकाल ,हरि यादव आदिले अभिनय गरेका छन् ।

यस्तै, विशेष भुमिकामा तारा केसी,पुष्कर गुरुङ्ग र नविन श्रेष्ठ पनि छन् ।