१३ मार्च, वाशिंटन डिसी

नेपाली साहित्यको क्षेत्रमा विविध विधाका साहित्यिक पुस्तकहरु प्रकाशन गर्दै आएको प्रकाशक बिएन पुस्तकले प्रकाशित गरेको एकदेव अधिकारीद्धारा अनुदित लघुकथा संग्रह स्वको खोजि  एक कार्यक्रमबिच काठमाडौंमा  बिमोचन गरिएकोछ ।

कथाकार नारायण तिवारी,श्रीओम श्रेष्ठ रोदन, पुष्करराज भट्ट, यशोधा अधिकारी,सूर्य बिसी, श्रीराम राई ,घनश्याम डल्लाकोटी र अनुवादक एकदेव अधिकारीले संयुक्त रुपमा पुस्तक बिमोचन गरेका हुन् । पुस्तकमाथि टिप्पणी गर्दै कथाकार तिवारीले विश्वका प्रसिद्ध लेखकका लघुकथा नेपालीमा पढ्न पाउनु सुखद भएको बताए । त्यसैगरि श्रीओम श्रेष्ठ रोदन र पुस्करराज भट्टले अधिकारीको अनुवादको प्रसंशा गरेका थिए । सो अवसरमा अनुवादक एकदेव अधिकारीले पुस्तक र कथाबारे आफ्ना धारणा राखेका थिए ।

दुई दशकदेखि शिक्षण र साहित्यमा सक्रिय अधिकारीद्धारा अनुदित स्वको खोजिमा विश्व प्रसिद्ध उन्नाइस कथाकारका पचास लघुकथा संग्रहित छन् ।  सो विमोचन कार्यक्रमको सहजीकरण श्रीराम राईले गरेका थिए  ।