अमेरिकामा राष्ट्रपतिको चुनाव आउन करिब तीन हप्ता मात्र बाकी रहेको छ l जति निर्वाचनको मिति र तिथि नजदिक आउदै छ त्यतिनै रिपब्लिकन दलका उम्मेद्वार डोनाल्ड ट्रम्पका यौन हिंसाजन्य घटनाहरु एक पछि अर्को सार्वजनिक भएका भयै छन l पिडितहरु संचार माध्यममा खुलेआम ट्रम्पले गरेका यौन उत्पीडनका कुराहरु ओकली रहेका छन् l

आरोप लगाउने पिडित महिलाले कानुनी उपचार गर्ने समेत तरखर गर्दै ट्रम्पले गरेका यौन उत्पीडन बारेमा छता छुल्ल पारि दिएका छन् l डरलाग्दो संकटको सुरुवात देखा परि रहेको छ l ट्रम्पको चुनावी अभियानलाई ठुलो धक्का लाग्न सुरु भै सकेको छ l केहि राज्यहरुमा ट्रम्प अगाडी देखिएता पनि क्लिन्टनले बिस्तारै कब्जा गर्दै गरेको तथांकले देखाउदै गरेको छ l ट्रम्पका मतदाता तथा समर्थक बढ्ने भन्दा घट्ने अवस्थामा देखिएको छ l ईतिहास कै सर्बाधिक चर्चा परिचर्चाको चुनाब भएकोले अन्तिम अवस्थाको केहि दिन मै अनुमान लगाउन सकिने वातावरण पनि बन्ने हुन्छ l

यस बिषयको विश्वमा डडेलो लागेको लागै छ l रोकिने नाम निशाना छैन l ट्रम्पले सबै आरोप र प्रत्यारोपलाई चरित्र हत्या गर्ने ध्येयले पूर्वाग्रह भनेका छन् l हरेक चुनावी अभियानमा लागेका झुटो आरोप ,मिथ्या, मन गढ़न्ते र आफुलाई कलंक लगाउन दाबी गरि रहेका छन् l ट्रम्प म पिडित हु  ,यौन उत्पीडनको आरोपले चुनावी अभियानलाई कलंक लगाएको भनि भाषणमा कुर्लि रहेका छन् l संचार माध्यमलाई गाली गर्न पछि परेका छैनन l आधारहिन असत्य र तथ्यहीन आरोप भनि ठाडो अस्विकार गरेका छन् l

ट्रम्पका चुनावी अभियानका अभियन्ताहरुका मनमा बिस्तारै ढवान्ग्रो ठोकिन सुरु गरि भै सकेको छ किनभने यसरी दर्जनौ यौन पिडित महिलाहरु सतह बाहिर आए पछि दुबिधामा पारि दिएको छ l ट्रम्पका यौन काण्डमा उनले बोलेका तुच्छ बाक्यहरुको श्रब्य दृश्यहरु यत्र तत्र सर्बत्र फैलिएकोले अन्तर्वार्ता दिने कसैले पनि  हैन भन्न इन्कार गर्न सक्ने अवस्था छैन l यसको कारण वातावरण धमिलिएको छ l

अमेरिकाको राष्ट्रपतिको चुनाबमा उम्मेदवारी दिने प्रत्याशीको गरिमा ,ख्याती ,व्यक्तित्व तथा प्रतिष्ठाको ठुलो महत्व हुन्छ l बिश्व कै सर्बाधिक शक्तिशाली देशको सबै भन्दा ठुलो पदमा आसन गर्ने व्यक्ति हुने हुनाले आचार संहिता पालना गर्नु पर्ने भन्ने जस्ता कुराहरु जोडिने हुनाले यस्ता बिषयमा अमेरिकन नागरिकमा ठुलो चेतना हुन्छ l

अमेरिकामा रहेका सीएनएन ,फक्स न्युज ,वाशिंगटन पोस्ट ,युएसए पत्रिका तथा अन्य संचार माध्यमको सर्वेक्षण अनुसार हिलारी क्लिन्टन अधिकांश राज्यहरुमा मतदानमा अगाडी छिन् भनि देखाएको छ l

अमेरिका जस्तो बिकशित राष्ट्रमा अमेरिकन जनताले सहि निर्णय लिने छन् l विश्वमा निर्वाचनको समयमा अनेकौ सवाल उठाईन्छन l  भए भरका ज्वारभाटा यहि समयमा निस्कन्छ l ट्रम्प सामान्य व्यक्ति हैनन l सामाजिक हैशियत राख्ने ,धन र शक्ति उनि संग छ l उनलाई पनि यसले गाजेको छ l ईश्वरले सबैलाई भलाई गरुन l

यो समाचार प्रकाशित गरि सक्दा पुन : एक अर्की महिलाले ट्रम्प माथि आरोप थोपरेकी छिन् ,यौन उत्पीडन गर्ने संख्या ९ पुगेको छ l