नायिका केकी अधिकारी केही दिन अघि मात्र नेपाल आएकी हुन् । अमेरिकामा आयोजना भएको सांकृतिक कार्यक्रममा सहभागी भएर उनी नेपाल फर्किएकी हुन् ।

केकी यो सहित दोश्रो पटक अमेरिका पुगेकी थिइन् । तर, अमेरिकाबाट आएपछि केकीमा चिन्ता बढेको छ । चिन्ता बढ्नुको मुख्य कारण हो उनको तौल बढ्नु ।
केकी अमेरिकामा बर्गर मात्र खाएकाले मोटाएको बताउँछिन् । कार्यक्रमको सिलसिलामा दौडनुपर्ने र बर्गर नै सजिलो खाना भएकाले मोटाइएको केकीको भनाई छ । उनी यसपटक ५ केजी भन्दा बढी मोटाएकी छिन् ।

अब, फेरि दुब्लाउनुपर्छ भन्ने योजनामा छिन् केकी । तर, केकीको तौल सधै नै आलोचनाको बिषय बन्ने गरेको छ । चलचित्रको पर्दामा मेन्टेन गरिएको शरीर नदेख्दा दर्शकले आलोचना गर्ने गरेका छन् । अब, नयाँ चलचित्र खेल्नु  अगाडि केकीले बर्गरले मोटाएको शरीरलाई घटाउने कि ?

तस्बिर : श्रीधर पौडेल

सौजन्य :अनलाइन खबर