२० मार्च २०१६, वाशिंटन डिसी

अमेरिका नेपाल साहित्य प्रतिष्ठानले आगामि २६ मार्चका दिन ८० औं वासु शशी जयन्ती मनाउने कार्यक्रममा साहित्यकार कविताराम श्रेष्ठ तथा ज्ञानेन्द्र गदाललाई वासु शशी स्मृति सम्मान गरिने भएको छ ।
आधुनिक नेपाली साहित्यका प्रभावशाली साहित्यकार वासु शशीको योगदानको कदर गर्दै उनको जीवनी र कृतित्वको चर्चा, उनका रचनाहरुको वाचन तथा उनको कृतिहरुको प्रदर्शन एवम् उनीसँग सँगत गरेका साहित्यकारहरुको संस्मरण प्रस्तुत गरिने सो समारोहमा यी दुई साहित्यकारहरुको प्रतिष्ठानले सम्मान गर्न लागेको हो ।

नेपाली साहित्यको अस्वीकृत जमात साहित्यिक आन्दोलनका हस्ती कविताराम श्रेष्ठले लामो समयदेखि अस्वीकृत साहित्य आन्दोलनलाई निरन्तरता दिइरहेका छन् र अस्वीकृत साहित्य पुरस्कार तथा सम्मान पनि हरेक वर्ष गर्ने गरिएको छ । त्यसैगरी गीति साहित्य रचना तथा कविता लेखनमा निरन्तर योगदान दिंदै आउनु भएका ज्ञानेन्द्र गदाल अन्तरराष्ट्रिय नेपाली साहित्य समाजका पूर्व केन्द्रिय अध्यक्ष हुन् ।

—