आऊ आऊ बसन्त राज ऋतुकै योध्दा बिजेता तिमि

काब्यै सिर्जनका प्रतीक तिमि हौ मनमा कविका तिमि

तिम्रो स्वच्छ प्रयास आगमनले  शिशीर  बिर्साउछ

पालुवा  पहरा र कुञ्ज  बनले  सम्मोहनी  लाउछ

चिसो सर्र  बतास त्यो पवनले  बाटो पहिल्याउछ

मेघाच्छादन को ठुलो जलघडा हिमाल हुत्याउछ

यो जीबन र चराचरै जगतमा  तृष्णारुपी प्यासको

आदि अन्त्य भएर नि:सृत  हुने त्यो देब हौ आशको

धर्तीलाई हरा भरा गरि सुधा सिंचन गरी  प्यारले

दिन्छौ औषदी अन्न औ शितलता  पोसेर  आहारले

तिम्रो स्वागत गर्न आतुर सबै पर्खि  बसेका  यहा

आऊ  झट्ट भनि पुकार गरदै  बोलाउदै छन जहा

देखूँ   देख्न   म  पाउँ  त्यो शितलको बर्षालु आरोग्यको

काब्यै  रच्न  म  पाऊँ सन्निधिमहा  तिम्रै अहोभाग्यको !