चोरीको सुनसहित एक पक्राउ
गौशाला, १४ फागुन । महोत्तरी प्रहरीले जिल्लाको बर्दिबासबाट आज चोरीको सुनसहित एकजनालाई पक्राउ गरेको छ ।
पक्राउ पर्नेमा झापा जिल्लाको दमक नगरपालिका–६ बस्ने ३८ वर्षीय मानबहादुर विक रहेको प्र्रहरी निरीक्षक जीवन गिरीले बताउनुभयो ।
इलाका प्र्रहरी कार्यालय बर्दिबासबाट खटिएको प्र्रहरी टोलीले बर्दिबास नगरपालिका–१ स्थित कुसुम ज्वेलर्समा कारिगरको काम गर्दै आएका विकलाई चोरीको सुनसहित पक्राउ गरेको हो । बर्दिबास–३ मा डेरा लिएर बसेका र सोही ठाउँमा सुनचाँदीको गहना बनाउने कारखाना खोलेका विकलाई सोही स्थानबाट चोरीका दुई थान सक्कली तिलहरी र अरू गलाइएको सुन गरी जम्मा २५.३२ ग्र्राम सुनसहित पक्राउ गरिएको प्र्रहरी निरीक्षक गिरीले बताउनुभयो ।
सुन चोर विकले १५ दिनअघि मोरङ उर्लाबारीको आइतबारेमा साथीसँग मिलेर सुन चोरी गरी फरार भएकामा इप्र्रका उर्लाबारीले विकका अरू साथीलाई पक्राउ गरेको र उनीहरुले नै विक बर्दिबासमा सुनको कारिगरको काम गरिरहेको सूचना दिएका कारण पक्राउ गर्न सकिएको हो ।
सुन चोरीको आरोपमा पक्राउ परेका विकले आफ्नो अपराध सकारेको प्रहरीले बताएको छ । उनलाई आवश्यक कारबाहीका लागि उर्लाबारी मोरङ पठाइँदैछ ।
ट्रम्पका वकिल जुलियानी बिरुद्ध १.३ अर्ब डलरको क्षतिपूर्ति स्वरुप मुद्दा दायर
बाइडेनले अमेरिकी उत्पादनलाई सुदृढ पार्ने कार्यकारी आदेशमा हस्ताक्षर गर्ने
फिप्नाको स्थानीय विभागको आयोजनामा अन्तरक्रियात्मक प्रशिक्षण सम्पन्न
कोभिड-१९ बिरुद्ध खोप तथा ताजा जानकारी सम्बन्धि अन्तरक्रिया कार्यक्रम हुने
जर्जियाका एक किशोरले आफू काम गर्ने बिशाल बजार पसलबाट करिव १० लाख डलर चोरी गरेको आरोपमा पक्राउ
प्रतिक्रिया