झापाली सञ्चारकर्मीहरुसँग आज बिर्तामोडमा सङ्क्षिप्त कुराकानी गर्दै पूर्वप्रधानमन्त्री खनालले संविधान कार्यान्वयन गरेर मुलुकलाई आर्थिक क्रान्तितर्फ डोे¥याउन दलहरु लाग्नुपर्ने बताउनुभयो । भारतसँगको सम्बन्ध सुध्रिनेमा आफू आशावादी रहेको भन्दै उहाँले परनिर्भरता हटाएर आत्मनिर्भरतातर्फ लाग्न सबै एकजुट हुनुपर्ने धारणा राख्नुभयो ।

प्रधानमन्त्री केपी शर्मा ओली भारत भ्रमण सकेर आएलगत्तै सीमाङ्कनको विवाद टुङ्ग्याउन दलहरुसँग छलफलमा जुट्ने उहाँको भनाइ थियो ।

एक फरक प्रशङ्गमा नेता खनालले मधेसवादी दलका अधिकांश माग संविधानमा समेटिएकाले अब वार्ता र संवादबाट समस्याको समाधान खोज्नुपर्ने धारणा राख्नुभयो ।