शनिबार, माघ १० २०७७
काठमाडौं १६:५१
वासिङटन डिसी 06:06

बाल श्रमिक घटे

इनेप्लिज २०७२ फागुन ६ गते १०:३७ मा प्रकाशित

पथरी (मोरङ), ६ फागुन । विराटनगर उपमहानगरपालिकाले बालबालिकालाई श्रममा लगाउन नपाइने अभियान चलाएपछि बाल श्रमिकको सङ्ख्या घटेका छन् ।

विराटनगर उपमहानगरपालिकाका बालबालिका शाखा प्रमुख डिल्ली धिमालका अनुसार विराटनगर नगर क्षेत्रमा २०६८ सालमा गरिएको सर्भेक्षणमा बाल श्रमिकको सङ्ख्या दुई हजार ७८० देखिएको थियो ।

नगर क्षेत्रमा २०७० सालमा गरिएको सर्भेक्षणमा बाल श्रमिकको सङ्ख्या घटेर एक हजार १२२ जनामा झरेको पाइएको थियो ।

विसं २०५७ मा श्रमिक बालबालिकाको सङ्ख्या झन्डै १० हजारको हाराहारीमा रहेको धिमाल बताउनुहुन्छ ।
विराटनगर उपमहानगरपालिकालाई बालमैत्री नगर घोषणा गर्न बाल श्रमिकको प्रयोगमा कडाइ गरिएको हो । विराटनगरलाई बालमैत्री नगर घोषणा गर्ने तयारी अन्तिम चरणमा पुगेको उहाँ बताउनुहुन्छ ।

प्रतिक्रिया