अहा कस्ती राम्री तिमि फुलेकी छ्यौ फूल बन
मेरो मुटु स्पन्दनले बाफिएकी शूल बन
उष्ण गर्मि यौवनले मडारिदा भित्र भित्र
छटपटीमा शीतलुको मुहानकी मूल बन
यस्तो लाग्छ जिन्दगीमा तिमिबिना आधा छु म
सपनीमा देख्छु संधै कुटुम्बकै कुल बन
आँखा मिची मिची हेर्छु तिमि नजिकिंदा यता
तर तिमि टाढै हुदा मृगतृष्णा भूल बन
मन्दिर बा ज्योतिषको अखडामा धाँउनु कति
तिमीभित्र मेरो हंस जोडिदिने पुल बन
आउदैछ प्रेमदिबस घुम्टो फाली आऊ अब
शरमको पर्दा च्याति भित्र्याउछु, तुल बन
नजरमा आशक्तिका दुराशय पाल्नेहरु
चारैतिर झुल्किदैछन, तिमि आफै झुल बन
प्रतिक्रिया