हुम्ला, २५ माघ । हुम्ला जिल्लामा आइतबार बेलुकादेखि एक्कासि हिमपात भएको छ । हुम्लाको सदरमुकाम सिमीकोटमा एक फिट हिउँ जमेको छ ।
अहिले परेको हिमपातले जौ र गहुँ बालीलाई राम्रो हुने स्थानीय बासिन्दाले बताएका छन् । भदौदेखि पानी नपरेकाले रुघा, खोकी र ज्वरोजस्ता रोग लागेको र अब हिमपातपछि यी रोगबाट मानिस जोगिने स्थानीय बासिन्दा बताउँछन् । हिमपातका कारण आज बिहानदेखि नेपालगन्ज र सुर्खेतका हवाई उडान बन्द भएका छन् ।
चिसो निकै बढेकाले यहाँको जनजीवन प्रभावित बनेको छ ।
प्रतिक्रिया