शिखरको उचाइ हेरेर, नापिन्न हेर उचाइ देशको
अरुको हाईहाई भजेर, थपिन्न सान कहिलै हाम्रो
थपिन्न सान कहिलै हाम्रो |
केही छैन यहाँ भनेरमात्र, उम्रिन्न आफै बिकासको बुटो
सुकिलो-मुकिलो बनेरमात्र, पन्छिन्न आफै ढुंगा र माटो
भरिन्न पेट पुस्तौंसम्म, अरुअरुको अनुदानले
बन्दैन देश नसृजेसम्म, हाम्रो आफ्नै बाहुबलले
हाम्रो आफ्नै बाहुबलले |
नेपालको सिमाना भित्रै, रुकाउनु पर्छ पाइला हाम्रा
हिमालको सीमा नकट्दै, टुटाउनु पर्छ सपना हाम्रा
धानिन्न देश अनन्तसम्म, विदेशको विप्रेषणले
बन्दैन देश नसिंचेसम्म, नेपालीहरुकै पसिनाले
नेपालीहरुकै पसिनाले |
प्रतिक्रिया