आइतबार, माघ ४ २०७७
काठमाडौं ०८:५०
वासिङटन डिसी 22:05

उनानसत्तरी करोडको अदुवा बिक्री

इनेप्लिज २०७२ माघ ८ गते १२:४९ मा प्रकाशित

aduwa3इलाम, ८ माघ । भारतीय नाकाबन्दीका बाबजुद पनि यो वर्ष जिल्लाबाट रु ६९ करोडको अदुवा भारत निर्यात भएको छ ।

जिल्ला कृषि विकास कार्यालयका अनुसार ४५ हजार ९९४ मेट्रिक टन अदुवा उत्पादन भएकोमा १८ हजार ३९८ मेट्रिक टन मात्र निकासी भएको हो । गत वर्षको तुलानमा ६२ प्रतिशतले निर्यातमा कमी आएको छ ।

गत वर्ष प्रतिमन रु तीन हजारका दरले अदुवा बिक्री भए पनि यसवर्ष मूल्यमा ५० प्रतिशतले कमी आएको कार्यालयका सूचना अधिकारी प्रकाशमणि काफ्लेले बताउनुभयो । गत वर्ष जिल्लामा रु तीन अर्ब २१ करोड, २५ लाख ८० हजारको अदुवा बिक्री भएको थियो । उत्पादित अदुवामध्ये २७ हजार ५९६ मेट्रिक टन बीउ तथा उपभोगका लागि किसानले भण्डारण गरेका छन् ।

जिल्लाको तीन हजार २३३ हेक्टर क्षेत्रफलमा अदुवा खेती गरिएको थियो भने इरौँटार, बरबोटे, नामसालिङ, एकतप्पा, शान्तिडाँडा, दानाबारी, लक्ष्मीपुर, मङ्गलवारे, धुसेनी, फिक्कल गाविस अदुवाका पकेट क्षेत्र हुन् ।

प्रतिक्रिया