जिल्ला कृषि विकास कार्यालयले सिँचाइका लागि ५१ वटा कृषि समूहलाई छनोट गरी रु ४० हजारदेखि एक लाखसम्म अनुदान दिने प्रक्रिया अघि बढाएको जनाएको छ । ‘एकाउन्न वटा समूह छनोट गरिसकेका छौँ,’ जिल्ला कृषि विकास कार्यालयका वरिष्ठ कृषि विकास अधिकृत टीकाराम थापाले भन्नुभयो – ‘यसका लागि रु ३३ लाख अनुदान आएको छ ।’ रु १२ लाख किसान परियोजनाले पनि सिँचाइका लागि अनुदान दिएको उहाँले बताउनुभयो ।

हरेक वर्ष किसानलाई सिँचाइका लागि रकमको व्यवस्था होस् भन्ने उद्देश्यले सरकारले ट्युवेल जडानमाअनुदान दिँदै आएको वरिष्ठ कृषि विकास अधिकृत थापाले जानकारी दिनुभयो । बाइस वटा समूहका लागि अनुदान आएको उहाँले जानकारी दिनुभयो । सहयोग भएपछि ५१ वटा समूह छनोट गरिएको र क्षेत्रअनुसार बढीमा रु एक लाखसम्म अनुदान दिइने योजना छ ।

तरकारी खेती गर्न ३६ लाख अनुदान
युवा लक्ष्यित कार्यक्रम अन्तरगत व्यवसायिक तरकारी खेतीका लागिसमेत कृषि विकास कार्यालयले अनुदान दिने निर्णय गरेको छ ।

यसका लागि जिल्लाभरका ६० जना युवा किसानसमेत छनोट गरिसकेको थापाले जानकारी दिनुभयो ।

‘छनोटमा परेका प्रतिकिसानलाई रु ६० हजार अनुदान दिइने छ । छनोटमा परेकाले एक वर्षमा एक बिघा जग्गामा कम्तीमा दुई पटक तरकारी लगाउनुपर्ने हुन्छ ।