राष्ट्रिय कृषक समूह महासङ्घ नेपालको धादिङबेँसीमा आयोजित दोस्रो राष्ट्रिय परिषद्को उद्घाटन गर्दै मन्त्री मानवीले किसानलाई आत्मनिर्भर र स्वाभिमान बनाउने काममा आफू लाग्ने प्रतिबद्धता व्यक्त गर्नुभयो ।

उहाँले अहिले संविधानको कार्यान्वयन र भूकम्पबाट पीडित जनताको पीडा कम गर्न पुनःनिर्माण र पुनःस्थापनाको काममा सबै मिलेर काम गर्नुपर्ने बेला रहेकाले त्यसैमा सहभागी हुन अपिलसमेत गर्नुभएको थियो ।

महासङ्घका अध्यक्ष उद्धव अधिकारीको अध्यक्षतामा आयोजित कार्यक्रममा राजनीतिक दलका प्रतिनिधिहरु, जिविसका पूर्व सभापति, प्रजिअ, महासङ्घका सल्लाहकारलगायतका वक्ताहरुले आ–आफ्ना धारणा राख्नुभएको थियो ।

उहाँहरुले कृषि प्रधान देश भनिए पनि अन्यत्रबाट कृषिजन्य वस्तु आयात गर्नु परिरहेको र युवा शक्ति विदेश पलायन भएका कारण खेतबारी बाँझो राख्ने अवस्थासमेत सिर्जना भएको सन्दर्भमा मन्त्रीको ध्यान आकर्षित गराई कृषिलाई मर्यादित पेसाका रुपमा विकास गर्नका लागि समय सान्दर्भिक कृषि नीति तर्जुमा गर्नुपर्ने आवश्यकतामाथि प्रकाश पार्नुभएको थियो ।