मंगलबार, साउन १२ २०७८
काठमाडौं ०५:००
वासिङटन डिसी 19:15

“तन्नेरीबिनाको देश !”

इनेप्लिज २०७२ पुष २५ गते १२:५९ मा प्रकाशित

1

कता फर्क्यौं हामी, कहाँ बन्यो गन्तब्य हाम्रो

नक्सा कस्तो बन्ला भोलि, यो रीतिले हाम्रो देशको

यो रीतिले हाम्रो देशको |

कसले खान्ला बाटो-घाटो, कसले सोहोरला कुलो-कुलेशो

कसरी चल्ला ऐचो-पैंचो, कसरी फुक्ला अड्को-पड्को

कस्तो होला चित्र गाउँको, एउटै हाम्रा तन्नेरीबिनाको

लर्को लागी पलायन भइरहे, सबै बलिष्ठ-पाखुरा देशको

सबै बलिष्ठ-पाखुरा देशको |

कसले चलाउला घाट मलामी, कसले स्याहारला बृधहरु

कसरी चल्लान कर्म काण्ड, कसरी जुट्लान बर-बधू

जगेर्नाबिना के हाल होला, हाम्रा कला र संस्कृतिको

नियति यस्तै रहिरहे, के हाल होला यो हाम्रो देशको

के हाल होला यो हाम्रो देशको |

प्रतिक्रिया