म्याग्दी प्रवासी नेपाली सङ्घ (मोना) हङकङले दीपावलीको अवसरमा देउसी–भैलो कार्यक्रम सञ्चालन गरेर सङ्कलित रकमबाट एक्सरे मेसिन उपलब्ध गराएका हुन् ।

उक्त मेसिन एक कार्यक्रमका बीच सांसद नरदेवी पुनमार्फत अस्पताललाई हस्तान्तरण गरिएको हो ।

हङकङमा म्याग्देली र नेपाली समुदायमाझ दुईघन्टा भैलो खेलेर रु १८ लाख ११ हजार ६४ सङ्कलन गरिएको मोना हङकङका अध्यक्ष इन्द्र एलजी थापामगरले जानकारी दिनुभयो । बाँकी रु छ लाख ६५ हजार मेसिनको मर्मत सम्भारका लागि अक्षयकोषको रुपमा राखिने छ ।

“जिल्ला अस्पतालबाट एक वर्षअघि यस्तो अभाव छ भनेर प्रस्ताव आएको थियो, त्यसलाई कसरी सम्बोधन गर्ने भन्ने विषयमा छलफल गर्दा देउसी भैलौ नै उत्तम विकल्प बन्यो,” अध्यक्ष थापामगरले भन्नुभयो – “यसले जिल्लावासीलाई धेरै सहयोग मिल्ने अपेक्षा लिएका छौँ ।”