सदरमुकाम राजविराजस्थित जिल्ला अस्पतालमा अहिले दैनिक ५०/६० जनासम्म रुघाखोकी तथा भाइरल ज्वरोका बिरामी आउने गरेको अस्पतालका मेडिकल सुपरिटेन्डेन्ट चिकित्सक दयाशङ्करलाल कर्णले जानकारी दिनुभयो ।

रुघाखोकी तथा भाइरल ज्वरोबाट सबैभन्दा बढी दुधेबालकदेखि वृद्धवृद्धा प्रभावित भएका छन् । सिरहा जिल्ला अस्पतालबाहेक लहानस्थित रामप्रसाद उमा स्मारक अस्पतालमा समेत दैनिक ६०/७० जनासम्म रुघाखोकी तथा भाइरल ज्वरोका बिरामी आउने गरेको अस्पताल प्रशासनले जनाएको छ ।

मौसममा आएको परिवर्तनका कारण बिरामी अझ बढ्न सक्ने भएकाले स्वास्थ्यमा ध्यान दिन चिकित्सकले सुझाव दिएका छन् ।